ခံတွင်း(အပူကန်)နာများအတွက် အိမ်တွင်းသုံးကုထုံး

အထူးသဖြင့် ခန္ဓာကိုယ်တွင်း အပူဓာတ်များသူတွေနဲ့  ၀မ်းချုပ်/၀မ်းပုပ်ရှိသူများအဖို့  ယခုလို မိုးအကုန်ဆောင်းဦးစ ရာသီဥတု အကူးအပြောင်းမှာ အပြင်ကအပူအအေးနဲ့ ခန္ဓာကိုယ်တွင်းကအပူအအေးတို့ တိုက်ပွဲဖြစ်လေ့ရှိပါတယ်။ ထို့ နောက်မှာတော့ နှုတ်ခမ်းအတွင်းသာ အောက်ခြေ၊ လျှာအောက်ခြေ၊ နဲ့  နှုတ်ခမ်းအပေါ်တို့ မှာ ခံတွင်း(အပူကန်)နာတွေ ထွက်လာပါတော့တယ်။

ခံတွင်း(အပူကန်)နာတွေကို ယေဘုယျအားဖြင့်အဆင့် (၃)ဆင့်ခွဲခြားထားပါတယ်။ (၁) အသေးစားအပူကန်နာက ရာသီဥတုအ ပြောင်းအလဲမှာ ဖြစ်လေ့ရှိပြီး၊ ၁-ပတ် (သို့ မဟုတ်) ၁၀-ရက်လောက်အကြာမှာ သူ့ အလိုလိုပျောက်သွားတတ်ပါတယ်။ (၂) အကြီးစားအပူကန်နာက ရံဖန်ရံခါမှဖြစ်တတ်ပြီး၊ သူက အသေးစာအနာထက်ပိုကြီးကာ ပိုလည်းနာကျင်လေ့ရှိပြီး ဆေးသိပ္ပံနည်း အရ stomatis အနာလို့ ခေါ်ကြပါတယ်။ (၃) herpetiform ulcers (ခေါ်)ရေယုန်နာတမျိုးကတော့ ကူးစက်ရောဂါပိုး ကြောင့်ဖြစ်လာကာ အလွန်နာကျင် ယားယံလေ့ရှိပါတယ်။
ခံတွင်း(အပူကန်)နာရဲ့ ရောဂါလက္ခဏာများမှာ ခံတွင်းထဲယားယံခြင်း၊ နီရဲရောင်ကိုင်းလာခြင်း၊ သွားတိုက်တဲ့အခါ (သို့ မဟုတ်) အစာဝါးတဲ့အခါ နာကျင်ခြင်း၊ အစားစားချင်စိတ်မရှိခြင်း တို့ ဖြစ်ပါတယ်။ ရောဂါဖြစ်ရတဲ့အဓိက အကြောင်းရင်းကတော့ ရာသီ ဥတုရုတ်တရက်ပြောင်းလဲလားခြင်းကြောင့် ခန္ဓာကိုယ်တွင်း အပူအအေးဓာတ်ဖောက်ပြန်လာခြင်းဖြစ်၍ ရာသီနာဖြစ်လို့ မစိုးရိမ် ရဘဲ ရေ၀၀သောက် ၀မ်းနှုတ်ဆေးစားလိုက်ရုံနဲ့  အနာပျောက်ကင်းသွားပါတယ်။ အကယ်၍ ရာသီဥတုပြောင်းလဲခြင်းကြောင့် မဟုတ်ဘဲ သံဓာတ်-ဗီတာမင်စီ-ဗီတာမင်ဘီ၁၂ တို့  ချို့ တဲ့ခြင်း၊ အစာဓာတ် မတဲ့ခြင်း၊ စိတ်ဖိစီးမှုများခြင်း၊ ဟိုမုန်းမျှတမှုမရှိခြင်း၊ ခံတွင်းသန့် ရှင်းမှုအားနည်းခြင်း၊ မတော်တဆသွားနဲ့ ကိုက်မိခြင်း၊ ကူးစက် ရောဂါရခြင်း၊ သွားတိုက်စဉ် ထိခိုက်မိခြင်း စသည် တို့ ကြောင့်လဲ ခံတွင်းနာဖြစ်တတ်ပါတယ်။
(၁) အုန်းနို့ ရည်က ခံတွင်းအပူကန်နာများနဲ့  ခံတွင်းနာအမျိုးမျိုးတို့ အတွက် လွန်စွာဆေးဖက်ဝင်ပါတယ်။ အုန်းသီးကို ညှစ်၍ရ လာသော အုန်းနို့ လတ်တ်ဆတ်ဆတ်ဖြင့် တနေ့ ကို ၅-ကြိမ်လောက် ပလုပ်(အာလုပ်) ကျင်းပေးပါ။
(၂) တရုပ်နံနံပင် လတ်လတ်ဆတ်ဆတ်ကိုပြုတ်၍ ခပ်နွေးနွေးအနေအထားမှာ တစ်နေ့ လျှင် ၅-ကြိမ်လောက် ပလုပ်(အာလုပ်) ကျင်းပေးပါ။
(၂) တိုင်းရင်းဆေးသမားတော်ကြီးတွေရဲ့ အဆိုအမိန့် အရ၊ ပင်စိမ်းရွက်က ခံတွင်းပူနာများအတွက် အကောင်းဆုံးဆေးမြီးတို လေးပါ။ ပင်စိမ်းရွက်လတ်လတ်ဆတ်ဆတ် ၆-ရွက်ခန့် ကို တနေ့  ၄-ကြိမ်မျှဝါးစားပြီး ရေသောက်ပါ (သို့ မ ဟုတ်) ပဲနံ့ သာပင် အစေ့ နဲ့ ပင်စိမ်းရွက်တို့ ကို ရော၍၀ါးစားပေးပါ (သို့ မဟုတ်) ထို ၂-မျိုးကို ပြုတ်၍ ရလာသော ပြုတ်ရည်နွေးနွေးဖြင့် တနေ့  ၄-ကြိမ်လောက် ပလုပ်(အာလုပ်) ကျင်းပေးပါ။ (ပဲနံ့ သာပင်အစေ့ ကို အိန္ဒိယ ပရဆေးဆိုင်တွေမှာ ရရှိနိုင်ပါတယ်)
(၃) ခံတွင်းအပူနာများအတွက် အနီရောင်ခရမ်းချဉ်သီး လတ်လတ်ဆတ်ဆတ်ကို အစိမ်းလိုက်ဝါးစားပေးပါ။ (သို့ မဟုတ်) ခရမ်း ချဉ်သီး သတ္တုရည်ဖြင့် အပူနာတို့ ကို လိမ်းပေးပါ။
(၄) နနွင်းမှုန့်  ၂-ဆကို အလှဆီရည် ၁-ဆ နဲ့ ခပ်ပျစ်ပျစ်ရောနယ်ပြီး ခံတွင်းနာပေါ်သို့ လိမ်းပေးပါ။ (သို့ မဟုတ်) နနွင်းမှုန့်  လ္ဘက်ရည်ဇွန်း ၁-ဇွန်းပမာဏကို ပျားရည်စစ်စစ် ဇွန်းဝက်ခန့် မျှ ရောနယ်ပြီးတော့ ခံတွင်းနာပေါ်သို့ လိမ်းပေးပါ။ (အလှဆီရည်ကို အလှကုန်ဆိုင်တွေမှာ အလွယ်တကူရရှိနိုင်ပါတယ်)
(၅) ဇီးဖြူသီးကို အစေ့ဖယ်ကျိတ်ချေ၍ ရလာတဲ့ ဇီးဖြူသီးသတ္တုရည်က အပူကန်ခြင်းကြောင့်ဖြစ်လာတဲ့ ခံတွင်းနာများကို အမြန်ဆုံး သက်သာစေတာကြောင့် ၄င်းသတ္တုရည်ဖြင့် တစ်နေ့  ၂-ကြိမ်ကျ လိမ်းပေးပါ။
(၆) ရေခပ်နွေးနွေး ၁-ဖန်ခွက်ထဲကို ဆား စားပွဲတင်ဇွန်း ၁-ဇွန်း ရော၍၊ ၂၅ -စက္ကန့် လောက် ခံတွင်းထဲ ငုံထားပါ။ ပြီးမှ ထွေးထုတ်ပေးပါ။ ဒီနည်းက အနာရောင်ကိုင်းခြင်းကို သက်သာစေတဲ့အပြင် ပိုးမ၀င်အောင်လဲ အထောက်အကူဖြစ်စေပါတယ်။
(၇) လ္ဘ္ဘက်ရွက်အဆီ(tea tree oil) ကို အပူကန်နာပေါ်သို့  အသာအယာပွတ်လိမ်းပေးခြင်းဖြင့် အနာနီရဲရောင်ကိုင်းခြင်းကို လျော့ပါးသွားစေပါတယ်။(tea tree oil တွေကို City Mart ဆိုင်များမှာ ရရှိနိုင်ပါတယ်)
(၈) cranberry (ခေါ်) အနီရောင်အချဉ်သီးဖျော်ရည်လေးက အပူကန်ခံတွင်းနာခြင်းတွေကို အချိန်တိုအတွင်းမှာ ပျောက်ကင်း သွားစေနိင်လို့ ၊ cranberry သီးဖျော်ရည် ငုံပေးပါ။ (အသင့်သောက် cranberry သီးဖျော်ရည်ဗူးလေးတွေကို City Mart ဆိုင်များ မှာ ရရှိနိုင်ပါတယ်)
(၉) ရေအေး နဲ့  ရေခပ်နွေးနွေးတို့ ကို တလှည့်စီ အာလုပ်(ပလုပ်)ကျင်းပါ။ လတ်ဆတ်တဲ့နွားနို့ အစိမ်း(သို့ မဟုတ်)အုန်းစိမ်းရည် တို့ ဖြင့် တနေ့ လျှင် ၄-ကြိမ် လောက် အာလုပ်(ပလုပ်)ကျင်းပါ။
(၁၀) အပူကန်နာအပေါ် ရေခဲတုံးလေး ကပ်ပေးခြင်းက နာကျင်မှုကို သက်သာစေတဲ့အပြင်၊ ရောင်ကိုင်းခြင်းတို့ ကိုပါ ပြေလျော့ သွားစေပါတယ်။
(၁၁) အပူကန်နာများအတွက် ရှားစောင်းလက်ပပ်က လွန်စွာကောင်းကျိုးပြုပါတယ်။ ရှားစောင်းလက်ပပ်အနှစ်(ဂျယ်လီ) စားပွဲ တင်ဇွန်း ၂-ဇွန်းကို ခံတွင်းနာပေါ်သို့  အုံပေးလိုက်ရုံပါဘဲ။
(၁၂) အစိမ်းရောင် ဟင်းသီးဟင်းရွက်များ ဥပမာ…ဟင်းနုနယ်/ကန်စွန်းရွက်/ပဲသီး(ခေါ်)ပဲတောင့်ရှည်/ပဲစောင်းဝါးသီး.. စတာတွေကို ကြက်သွန်နီများများထဲ့၍ သုပ်စားခြင်းက အပူကန်ခြင်းကြောင့်ဖြစ်တဲ့ ခံတွင်းနာတွေကို သက်သာစေပါတယ်။
(၁၃) ဗီတာမင်စီ ပေါကြွယ်ဝတဲ့ ဒိန်ချဉ်က သွားဖုံးနဲ့ ခံတွင်းနာအမျိုးမျိုးတို့ အတွက် အကောင်းဆုံး ဆေးတစ်ခွက်ပါဘဲ။
(၁၄) ပင်စိမ်းရွက်အဆီကို အနာပေါ်သို့  ခပ်ဖွဖွစိမ့် ဝင်အောင် မကြာမကြာလိမ်းပေးခြင်းဖြင့် ထိုအပူနာ ရောင်ကိုင်း၍နာကျင် ခြင်းတို့ ကို ကောင်းစွာကုသပေးနိုင်ပါတယ်။
(၁၅) နွယ်ချို နဲ့ သလဲသီးတို့ ကလည်း အပူကန်ခြင်းကို ကုသပေးနိုင်ပါတယ်။ ၄င်း တမျိုးစီကို စား၍သော်လည်းကောင်း၊ တမျိုး စီကို ခံတွင်းနာပေါ်သို့ အုံပေး၍သော်လည်းကောင်း (သို့ မဟုတ်) ၄င်း နှစ်မျိုးစလုံးကို ခပ်ပျစ်ပျစ်ရောနယ်၍ ခံတွင်းနာပေါ်သို့  အုံပေး၍သော်လည်းကောင်း စသည်ဖြင့် အဆင်ပြေသလို ပြုလုပ်ပေးပါ။
(၁၆) အပူရှပ်၍ ဖျားချင်ချင်ခံစားနေရသူများအတွက် ကြံရည်ကကိုယ်တွင်းအပူငြိမ်းစေပြီး၊ ပရိုတင်းအားဖြည့် ဓာတ်စာအဖြစ် အသုံးဝင်တဲ့အပြင်၊ ခံတွင်းထဲမှာ ကြံရည်ငုံပေးခြင်း အပူနာတွေကို အချိန်တိုအတွင်းမှာ ချပ်ရပ်သွားစေနိုင်ပါတယ်။
အထက်ဖော်ပြပါ အိမ်တွင်းကုထုံးလေးတွေက ခံတွင်းအပူကန်နာဖြစ်ခြင်းကို ၈-ရက် (သို့ မဟုတ်) ၁၀-ရက်ခန့် အကြာမှာ ပျောက်ကင်းသွားစေပါတယ်။ ကုထုံးလေးတွေသုံးနေတာတောင် ၁၀-ရက်ကြာတဲ့အထိ မပျောက်တဲ့ အပြင် အခြေအနေပိုဆိုး လာပါက၊ ဆရာဝန်နဲ့ ဆေးကုသမှုခံယူသင့်ပါတယ်။ “အပ်နဲ့ ထွင်းရမယ့်အနာကို ပေါက်ဆိန်နဲ့ ထွင်းမခံရလေအောင် ” ကျမ္မာရေးအမြင်ရှိဖို့ လိုပါကြောင်း။
ကျန်းမာရေးဆိုင်ရာ ဗဟုသုတများ (U Than Win)

"သူဌေးများလေပြည်သူကောင်းလေ" ဆိုတဲ့ဒိန်းမတ်ကအခွန်စနစ်

"ဒကာမကြီးကဗိုလ်မကိုအိမ်အကူဌားထားတာကိုး" ဒိန်းမတ်နိုင်ငံကိုဘုန်းဘုန်း ရဝေနွယ်(အင်းမ)ဓမ္မဒူတ
ခရီးကြွရောက်စဉ်ကမိန့်ခဲ့တာပါ။
ဒိန်းမတ်နိုင်ငံ မြို့လေးတစ်မြို့မှာနေထိုင်ပြီး မကျန်းမမာဖြစ်နေတဲ့မြန်မာအမျိုးသမီးကြီးတစ်ဦးက
ပင့်ဖိတ်လို့ဘုန်းဘုန်းကြွရောက်ခဲ့ပါတယ်။ အိမ်ထဲကိုရောက်တဲ့အခါမှာသန့်ရှင်းရေးဆောင်ရွက်ပေးနေတဲ့
ဒိန်းမတ်အမျိုးသမီးငယ်ကိုတွေ့ရလို့ဘုန်းဘုန်းကမိန့်လိုက်တာဖြစ်ပါတယ်။

ဒိန်းမတ်နိုင်ငံမှာသူ့နိုင်ငံသားများနဲ့တရားဝင်မှီတင်းနေထိုင်လျက်ရှိကြတဲ့သူများအားလုံးကိုတပြေးညီ
စောင့်ရှောက်ဝန်ဆောင်မှုတွေပေးပါတယ်။ မည်သည့်အစိုးရဘဲတက်တက်ပြည်သူ့အပေါ်ဝန်ဆောင်မှု
ကိုကောင်းသည်ထက်ကောင်းအောင်ပေးနိုင်ဖို့ကြိုးစားကြတာတွေ့ရမှာဖြစ်ပါတယ်။

အိမ်တိုင်ရာရောက်ဝန်ဆောင်မှု

ပြည်သူတစ်ဦးနေထိုင်မကောင်းလို့ ကိုယ်တိုင်ဆောင်ရွက်နိုင်ခြင်းမရှိတဲ့အခါမှာမြို့နယ်ရဲ့လမ်းညွှန်မှုနဲ့
သက်ဆိုင်ရာဝန်ထမ်းတွေကအိမ်တိုင်ရာရောက်ဝန်ဆောင်မှုတွေပေးပါတယ်။
အ၀တ်လျော်၊ ချက်ပြုတ်၊ သန့်ရှင်းရေးဝန်ထမ်းလာသလို ကျန်းမာရေးဝန်ထမ်းကလဲသူ့အချိန်နဲ့သူ
စောင့်ရှောက်မှုလာရောက်ပေးတာကိုတွေ့ရပါတယ်။
ဆေးရုံတင်ကုသမှုခံယူဖို့လဲမလိုအပ်သေး၊ ဘိုးဘွားဂေဟာမှာလဲနေထိုင်သူမဟုတ်သေးတဲ့ နာမကျန်း
ဖြစ်နေတဲ့ပြည်သူတွေကို ဥပဒေအရ နိုင်ငံတော်အစိုးရကနေ လူမမာရဲ့အိမ်ကိုသွားရောက်လို့ကျန်းမာရေး
အခမဲ့စောင့်ရှောက်ပေးနေတဲ့အစီအစဉ်ဖြစ်ပါတယ်။
သင်တန်းဆင်းပြီးသားကျန်းမာရေးစောင့်ရှောက်သူဝန်ထမ်းတွေနဲ့ကုမ္ပဏီတည်ထောင်ထားပြီး မြို့နယ်
အုပ်ချုပ်ရေးရုံးရဲ့လမ်းညွှန်မှုနဲ့ဝန်ထမ်းတွေကကားနဲ့တမျိုး စက်ဘီးနဲ့တသွယ်လူမမာရှိရာပြည်သူ့အိမ်တွေ
ကိုသွားရောက်စောင့်ရှောက်မှုပေးရပါတယ်။ ပြည်သူကဘာမှပေးစရာမလိုဘဲ မြို့နယ်ကကုမ္ပဏီကို
ကုန်ကျ စားရိတ်အားလုံးပေးချေ ပါတယ်။
ကျွန်တော်နေတဲ့မြို့လေးမှာ ပြည်တည်နာတွေပေါက်နေတဲ့ အဘိုးကြီးတစ်ယောက်ရှိပါတယ်။ ကိုယ်တိုင်
ဘာမှမလုပ်နိုင်တော့ဘဲအိပ်ရာပေါ်မှာဘဲလှဲနေရသူဖြစ်တာကြောင့် သူ့ကိုဟိုဘက်ဒီဘက်စောင်းပေးဖို့
ကျန်းမာရေးဝန်ထမ်းက ၄နာရီခြားနေ့ရောညပါလာရောက်တာတွေ့ရပါတယ်။
 
သက်ကြီးရွယ်အို အများစုဟာ ကျန်းမာရေးအရ သူတို့ ဘာသာရပ်တည်နိုင်ကြသည်အထိ ကိုယ်ပိုင်အိမ်ရာ
များမှာဘဲ နေထိုင်လေ့ရှိကြပါတယ်။ ကျွန်တော်တို့နိုင်ငံလိုသားသမီးတွေနဲ့အတူနေထိုင်ကြတဲ့ဓလေ့မရှိ
ပါဘူး။ သားသမီးတွေကလဲ ၁၈နှစ်ဆိုရင်မိဘအိမ်ကဆင်းသွားကြပြီးကိုယ့်ခြေထောက်ပေါ်ကိုယ်ရပ်ကြပါပြီ။
ဒါကြောင့်ဒီနိုင်ငံမှာပင်စင်စားနဲ့အထက်သက်ကြီးရွယ်အိုများဟာ တစ်အိမ်လုံးမှာနှစ်ယောက်ဘဲရှိကြပါတယ်။
တစ်ဦးဆုံးပါးသွားပြန်ရင်တော့ တစ်အိမ်လုံးမှာအဘိုးကြီး၊ အဘွားကြီးတစ်ဦးတည်းနေထိုင်ကြရတာဟာ
အစဉ်အလာတစ်ခုဖြစ်နေပါပြီ။
အတူနေထိုင်တဲ့သူရှိသည်ဖြစ်စေ လူတစ်ဦးချင်းစီရဲ့အခွင့်အရေးအရ သက်ဆိုင်ရာကနေ၀န်ဆောင်မှုကို
ချ ထားပေးမှာဘဲဖြစ်ပါတယ်။

အသက်အရွယ်ရလာတာနဲ့ အမျှ အိမ်မှုကိစ္စတွေကို ကိုယ်စားဆောင်ရွက်နိုင်ဖို့ သက်ဆိုင်ရာ
အာဏာပိုင်အဖွဲ့ အစည်းကို လျှောက်ထားနိုင်ပါတယ်၊ သက်ဆိုင်ရာမှ လာရောက်ကြည့်ရှုပြီး
လိုအပ်တဲ့ ၀န်ဆောင်မှုများကို ချထားပေးပါတယ်။
မိမိမှ မလျှောက်ထားသော်ငြားလည်း နိုင်ငံတွင်းတရားဝင်မှီတင်းနေထိုင်သူများဟာ အသက် ၇၅ နှစ်
ပြည့်တဲ့ အချိန်မှာတော့ နိုင်ငံတော်ကနေချမှတ်ထားတဲ့ ဥပဒေအရ သက်ဆိုင်ရာဌာနကနေလာရောက်
တွေ့ ဆုံပြီးတော့ လိုအပ်တဲ့ဝန်ဆောင်မှုတွေ ချမှတ်ပေးမှာဖြစ်ပါတယ်။
မြန်မာပြည်က ပင်စင်စားတွေဖြစ်ကြတဲ့ ကျွန်တော်ရဲ့အဖေနဲ့ အမေကို ဒီအကြောင်းတွေ ပြောပြမိတော့
အံ့သြပြီး သာဓုခေါ်ကြပါတယ်။
                   

                        ပြည်သူဖွားဖွားတစ်ဦးအိမ်မှာဝန်ဆောင်မှုပေးနေတဲ့ဝန်ထမ်းမိန်းခလေး

ကျန်းမာရေးအထောက်အကူပစ္စည်းများဝန်ဆောင်ခြင်း

ဒိန်းမတ်နိုင်ငံမှာရှိတဲ့ သက်ကြီးရွယ်အို၊ ပင်စင်စားတွေနဲ့မသန်မစွမ်းသူများအားလုံးရဲ့ လိုအပ်တဲ့
ကျန်းမာရေးအထောက်အကူပြု ပစ္စည်း၊ ကရိယာတွေ ကိုနိုင်ငံတော်အစိုးရအစီအစဉ်နဲ့
အိမ်တိုင်ရာရောက်အခမဲ့ဌားရမ်းတတ်ဆင်ပေးပါတယ်။

လိုအပ်တဲ့ ကျန်းမာရေးဆိုင်ရာ အထောက်အကူပစ္စည်း တွေဖြစ်တဲ့၊ ဥပမာ၊ ကိုယ်တိုင်မောင်းနိုင်တဲ့
ဘီးတပ်ထိုင်ခုံ၊ လမ်းလျှောက်အထောက်အကူတွန်းလှည်း စတာတွေကိုလည်း နိုင်ငံတော်က ပံ့ပိုးပေး
ပါတယ်၊ ဆုံးပါးချိန်မှာတော့ပြန်အပ်ရမှာဖြစ်ပါတယ်။ ဥပမာတစ်ခုအနေနဲ့ပြောရရင်သက်ကြီးရွယ်အိုများ
ရဲ့အိမ်မှာရှိတဲ့အိမ်သာထိုင်ခုံများကို အသုံးပြုရလွယ်ကူအောင်အမြင့်ဘောင်ခွေလိုက်လံတတ်ဆင်ပေး
ကြတာကိုလဲတွေ့ရမှာဖြစ်ပါတယ်။
ဝယ်ယူသုံးစွဲကြသူများရှိသလို မြို့နယ်ကအခမဲ့ဌားပေးတဲ့ပစ္စည်းတွေဟာလဲအကောင်းတွေဖြစ်ပါတယ်။
ပစ္စည်းပျက်လို့အကြောင်းကြားရင်လဲ အခမဲ့ပြု ပြင်ပေးပြီး၊ ပြင်လို့မရပါကအသစ်လဲပေးပါတယ်။
ပြန်အပ်တဲ့အခါပျက်စီးနေရင်လဲလျော်ကြေးပေးစရာမလိုပါဘူး။ ဒီဝန်ဆောင်မှုလုပ်ငန်းအကြောင်းကို
"ချိုင်းထောက်တောင်အိမ်တိုင်ရာရောက်ပို့ပေးတဲ့အစိုးရ" ဆိုပြီး The Voice မှာကျွန်တော်ရေးခဲ့ဘူးပါတယ်။

                          ပြည်သူတစ်ဦးအိမ်မှာကုတင်နဲ့အိမ်သာအမြင့်ဘောင်တတ်ဆင်ပေးနေခြင်း

ပြည်သူ့ဆေးရုံ၊ဆေးခန်းများ

ကျွန်တော်တို့နိုင်ငံအပါအ၀င် ယိုးဒယား၊ မလေးရှားစတဲ့နိုင်ငံတွေမှာလိုပိုက်ဆံပေးပြီးသွားပြလို့ရတဲ့
အထွေထွေရောဂါကုဆေးခန်းတွေဒိန်းမတ်နိုင်ငံမှာမရှိပါဘူး။ လွန်ခဲ့တဲ့ ၁၀နှစ်ခန့်ဒိန်းမတ်ကိုရောက်ခါစမှာ
နဲနဲမှနေထိုင်မကောင်းရင်ဆေးခန်းသွားပြချင်တတ်တဲ့ကျွန်တော့်အဖို့တော်တော်ဂွကျခဲ့ရပါတယ်။
ဒိန်းမတ်နိုင်ငံမှာမှီတင်းနေထိုင်ကြသူအားလုံးကို ကျန်းမာရေးကိစ္စတွေဆောင်ရွက်နိုင်ဖို့ မိသားစုဆရာဝန်
တစ်ဦးဆီသတ်မှတ်ပေးထားပါတယ်။ ဖုန်းဆက်ပြီးတွေ့ဖို့အချိန်ကိုအရင်ယူရမှာဘဲဖြစ်ပါတယ်။
ရောဂါအခြအနေပေါ်မူတည်လို့ ဆရာဝန်ကရက်ချိန်းသတ်မှတ်ပေးပါတယ်။
မိမိရဲ့ရောဂါကိုမိသားစုဆရာဝန်ကအရင်စစ်ဆေးပြီး သူကုသမှုမလုပ်နိုင်တဲ့ရောဂါဆိုရင် သက်ဆိုင်ရာ
ဆရာဝန်(သို့)ဆေးရုံကိုဆက်သွယ်ပြီးလမ်းညွှန်မှုပေးမှာဘဲဖြစ်ပါတယ်။
အထွေထွေကုသမှုမှသည်အကြီးစားခွဲစိတ်ကုသမှုအထိအခမဲ့ဝန်ဆောင်မှုပေးပါတယ်။
ဆေးရုံတက်ရပြီဆိုလဲတကယ့်ကိုစားရိတ်ငြိမ်းဘဲဖြစ်ပါတယ်။ လူနာကိုမနက်စာ၊နေ့လည်စာ၊ညစာကျွေး
တဲ့အပြင်လူနာစောင့်ပါကြိုက်တတ်ရင်ဆွဲလို့ရပါသေးတယ်။
အလကားဆေးခန်းပြရလို့ ဆေးရုံတက်ရလို့မျက်နှာမငယ်ရပါဘူး၊ အထူးဖေါ်ရွေ၊ယဉ်ကျေးစွာဂရုစိုက်တဲ့
ဝန်ဆောင်မှုကိုမိတ်ဆွေရရှိမှာဖြစ်ပါတယ်။ ပြည်သူ့မျက်နှာအင်မတန်ကြီးတဲ့နိုင်ငံပါ။
အရေးပေါ်ကျန်းမာရေးကိစ္စတွေအတွက်တော့ ၂၄နာရီဆက်သွယ်လို့ရတဲ့ဖုန်းနံပါတ်ရှိပြီးအရေးကြီးလျင်
ကြီးသလိုဆရာဝန်လာရောက်ခြင်း၊ ဆေးရုံကားလွှတ်ပေးခြင်းများဆောင်ရွက်ပါတယ်။

သွားကုသမှုကိုတော့မွေးဖွားစဉ်မှသည် ၁၈နှစ်ပြည့်သည်အထိအခမဲ့ဆောင်ရွက်ပေးပါတယ်။
ကျွန်တော့်သမီးဒီကို ၁၁နှစ်မှာရောက်တော့ ကျောင်းကိုဘဲသွားဆရာဝန်တွေသတ်မှတ်ချိန်အတိုင်းလာလို့
သွားစစ်ဆေးကုသမှုတွေကိုကျောင်းသားတိုင်းသူ့နေ့နဲ့သူခံယူကြရပါတယ်။ သွားရောဂါတွေကုသပေး၊
ပညာပေးတဲ့အပြင်သွားခေါနေတဲ့ခလေးတွေကိုလဲသူတို့သဘောတူညီချက်နဲ့သွားဆွဲပေးထားတာတွေ့ရပါတယ်။
ဒါကြောင့်ဒီနိုင်ငံမှာသွားခေါတဲ့လူငယ်မရှိတာကိုတွေ့ရမှာဖြစ်ပါတယ်။
သွားကုသမှုကတော့အခမဲ့မဟုတ်ဘဲဈေးကြီးပေမဲ့ ပြည်သူထဲကသွားကုသမှုလိုလာတဲ့သူဟာသူ့ရဲ့ဝင်ငွေနဲ့
ပေးဖို့မတတ်နိုင်ပါကမြို့နယ်အာဏာပိုင်မှထောက်ပံ့မှုပေးတာကိုလဲတွေ့ရပါတယ်။

                              ပြည်သူ့ဆေးရုံမှာဆေးကုသမှုခံယူနေတဲ့ပြည်သူတစ်ဦး

အခမဲ့စာကြည့်တိုက်၊ပြတိုက်များနှင့်စာသင်ကျောင်းများ

ဒိန်းမတ်နိုင်ငံရဲ့မြို့ကြီးများမှာသာမကမြို့ငယ်လေးတိုင်းမှာပါအခမဲ့ဝန်ဆောင်မှုပေးတဲ့ပြည်သူ့စာကြည့်တိုက်
တွေကိုဖွင့်လှစ်ပေးထားပါတယ်။ စာကြည့်တိုက်တိုင်းမှာစာအုပ်တွေသာမကရုပ်ရှင်တွေ၊ သီချင်းခွေတွေကို
ပါဖတ်ရှု့နားထောင်နိုင်သလိုအိမ်ကိုပါအခမဲ့ဌားရမ်းနိုင်ပါတယ်။ စာကြည့်တိုက်တွေအကြောင်းကိုလဲ "စာကြည့်တိုက်ယဉ်ကျေးမှုထွန်းကားတဲ့ဒိန်းမတ်" ခေါင်းစဉ်နဲ့The Voice ဂျာနယ်မှာရေးခဲ့ဘူးပါတယ်။
အမျိုးသားပြတိုက်ကိုလဲပြည်သူတွေအခမဲ့ဝင်နိုင်သလိုအလုပ်ပိတ်ရက်တွေမှာပါဖွင့်လှစ်ပေးထားပါတယ်။

ဒိန်းမတ်ရဲ့ပညာရေးစနစ်အရအထက်တန်းပညာကိုမသင်မနေရပြဌာန်းထားသလို ပြည်သူ့ကျောင်းများကိုလဲ
လုံလောက်စွာဖွင့်ပေးထားပါတယ်။ အထက်တန်းပြီးရင် တက္ကသိုလ်ဝင်တန်းမှာ ၃နှစ်ထပ်တက်ပြီးမှမိမိ
ဝါသနာပါနှစ်သက်ရာ တက္ကသိုလ်ကိုလျောက်ထားရမှာဘဲဖြစ်ပါတယ်။
မူလတန်းမှသည်တက္ကသိုလ်အထိအခမဲ့တက်ရောက်နိုင်ကြပါတယ်။ ပိုက်ဆံပေးရတဲ့ပရိုက်ဗိတ်ကျောင်း
တစ်ချို့ရှိသော်လဲပြည်သူအများစုရဲ့ခလေးများကပြည်သူ့ကျောင်းမှာဘဲတက်ရောက်ကြပါတယ်။
လက်ရှိဒိန်းမတ်ဘုရင်မရဲ့မြေးဖြစ်ပြီး မြန်မာပြည်ကိုအလည်လာသွားတဲ့မင်းသမီးမေရီရဲ့သားငယ်လဲ
ပြည်သူ့ကျောင်းမှာဘဲတက်ရောက်ပါတယ်။

                                   ဘုရင်မမြေးနဲ့သူတက်နေတဲ့ပြည်သူ့ကျောင်း

ပြည်သူလူထုအပေါ်နိုင်ငံတော်ရဲ့စောင့်ရှောက်မှုတွေရေးပြနေရရင်တော့အများကြီးကျန်နေအုံးမှာပါ။
ကျွန်တော်တို့အတွက်တော့ပြည်သူ့အပေါ်ဒီလောက်ကောင်းနေတာအံ့အားသင့်စရာဖြစ်နေပေမယ့်
ဒီနိုင်ငံတွေမှာတော့အစိုးရကပြည်သူလူထုစားဝတ်နေရေးနဲ့ခရီးသွားလာရေးတွေတတ်နိုင်သမျှအဆင်ပြေ
သည်ထက်ပြေအောင်ဆောင်ရွက်ပေးနေတာတွေဟာပုံမှန်ဘဲဖြစ်တဲ့အပြင်အစိုးရဆိုတဲ့သူတို့ရဲ့အဓိကတာဝန်
တွေကိုထမ်းဆောင်နေခြင်းမျှ သာပါ။
ဒီနိုင်ငံကပြည်သူတွေကိုမေးကြည့်တော့လဲ သူတို့တွေကအစိုးရကိုထူးပြီးကျေးဇူးတင်မနေကြပါဘူး။
သူတို့ပြောတာက "အစိုးရကသူတို့အလုပ်သူတို့လုပ်တာဘဲ၊ သူတို့ဒါတွေမှမလုပ်ရင် ငါတို့
ပြည်သူတွေကနောက်တစ်ခါသူတို့ကိုမရွေးရုံဘဲပေါ့ " ဟုပြောသူတွေရှိသလို တစ်ချို့ကတော့
" အစိုးရကိုဒါတွေလုပ်ဖို့ ငါတို့ပြည်သူတွေအခွန်ဆောင်ထားတာ၊ သူတို့ဒါတွေလုပ်နေတာလဲငါတို့ဆောင်
ထားတဲ့အခွန်ငွေတွေနဲ့ဘဲလေ" လို့ဖြေကြပါတယ်။
ဒီလောက်ထိပြည်သူကိုအလုပ်အကျွေးပြု နေတဲ့ဒိန်းမတ်ရဲ့အခွန်စနစ်ကိုလေ့လာကြည့်တဲ့အခါ

သူဌေးများလေပြည်သူကောင်းလေဆိုတဲ့အခွန်စနစ်

"နိုင်ငံတော်မှာငွေရှိပါတယ်။ အလုပ်လုပ်တဲ့သူတိုင်းကအခွန်ပေးဆောင်ကြလို့ပါဘဲ"
လွန်ခဲ့တဲ့ ၁၀နှစ်ဝန်းကျင်ကျွန်တော်တို့ဒိန်းမတ်ရောက်ကာစ ဒိန်းမတ်ဘာသာစကားသင်ကြရတုန်းက
အသံထွက်လေ့ကျင့်ခဲ့ရတဲ့ဒိန်းမတ်စာကြောင်းလေးကိုဘာသာပြန်ပေးလိုက်တာပါ။
အလုပ်လုပ်တဲ့သူတိုင်းဆိုရာမှာ လူတစ်ဦးတိုင်းကိုဆိုလိုတာတင်မကဘဲ ကုမ္ပဏီတွေ၊
လုပ်ငန်းတွေ၊ စက်ရုံအလုပ်ရုံတွေ အားလုံးကိုဆိုလိုတာဖြစ်ပါတယ်။

သယံဇာတပေါကြွယ်ဝတဲ့နိုင်ငံမဟုတ်တာကြောင့် ပြည်သူလူထုအတွက်ဆောင်ရွက်ပေးနေတဲ့ဝန်ဆောင်မှု
တွေအားလုံးကိုအခွန်ငွေများမှဘဲဆောင်ရွက်မှုပေးကြောင်းအစိုးရကအတိအလင်းပြောပါတယ်။
နှစ်စဉ်အခွန်စာရင်းချု ပ်ပြီးတဲ့အခါတိုင်း အဲဒီအခွန်ငွေတွေကို နိုင်ငံတ၀ှမ်းမှာရှိတဲ့မြို့နယ်အလိုက်သုံးစွဲဖို့
အစိုးရကချထားပေးပါတယ်။ မြို့နယ်ရဲ့အကြီးအသေး၊ ၀င်ငွေလိုက်လို့ သင့်တော်တဲ့ပမာဏကိုသုံးစွဲနိုင်ရန်
ခွဲဝေပေးခြင်းဘဲဖြစ်ပါတယ်။

ကျွန်တော်တို့နိုင်ငံနဲ့မတူတာကဒိန်းမတ်နိုင်ငံမှာ အသက် ၆၅နှစ်ပြည့်ပြီးသူတိုင်း၊ အလုပ် လုပ်ခဲ့သည်ဖြစ်စေ၊ မလုပ်နိုင်ခဲ့သည်ဖြစ်စေ နိုင်ငံတော်ကနေ လုံလောက်မှုရှိတဲ့သက်ပြည့်ပင်စင်ထောက်ပံ့ပါတယ်။ ကျန်းမာရေးအရစောစီးစွာပင်စင်ထောက်ပံ့ကြေးရရှိသူများလည်းရှိပါတယ်။
ကျန်းမာရေးကောင်းတဲ့သူတိုင်းလည်း အလုပ်လုပ်ကြရပြီး လစဉ်ပင်စင်ကြေးကိုထည့်ဝင်ကြရပါတယ်။

မည်သည့်လုပ်ငန်းလုပ်ကိုင်သည့်မည်သူမဆို နိုင်ငံတော်ကိုဝင်ငွေခွန် ၃၈ ရာခိုင်နှုန်းနဲ့
သိပ်မများတဲ့ပင်စင်ကြေးကိုလစဉ်လစာငွေထဲမှဖြတ်ယူထားပါတယ်။
အခွန်ပေးရတာများတဲ့နိုင်ငံတွေထဲမှာဒိန်းမတ်ကထိပ်ဆုံးပိုင်းမှာရှိပါတယ်။ လစာအားလုံးဟာအခွန်ဖြတ်ပြီးမှရရှိကြတာဖြစ်လို့အစိုးရကလူတစ်ဦးရဲ့အနည်းဆုံးလစာကိုသတ်မှတ်ပေး ထားပါတယ်။ အခွန်ဖြတ်ပြီးတဲ့အခါမှာလုံလောက်စွာသုံးစွဲနိုင်တဲ့ပမာဏဘဲဖြစ်ပါတယ်။

ထူးခြားတာက ၀င်ငွေများလာတာနဲ့ အခွန်ရာခိုင်နှုန်းပါ များပြီးပြောင်းပေးရပါတယ်၊ ဥပမာ..ဒိန်းမတ်မှာအလုပ်လုပ်ချိန် တစ်ပတ်ကို ၃၇နာရီသတ်မှတ်ပေးထားပြီး ၀င်ငွေခွန် ၃၈% ပေးဆောင်ရပါတယ်၊ ၃၇ နာရီထက်ပိုလုပ်လို့ ရတဲ့ဝင်ငွေခွန်ကတော့ ၃၈% ထက်ပိုများသွားပါပြီ။  

ကျွန်တော့်ဇနီးကဘိုးဘွားဂေဟာမှာကျန်းမာရေးဝန်ထမ်းဖြစ်ပြီး မိမိဆန္ဒအလျောက်တပါတ်ကို ၃၇နာရီထက် ပိုလုပ်နိုင်တာကြောင့် ၀င်ငွေများတာနဲ့အညီ အခွန်ကိုလဲသာမန်ထက်ပိုများပြီးပေးဆောင်ရပါတယ်။           "သူတို့ကကိုယ်ပေးတဲ့ဝင်ငွေခွန်တွေကို ဆေးရုံတွေ၊ ကျောင်းတွေနဲ့လူမှုရေးကူညီမှုတွေမှာအမှန်တကယ်    သုံးစွဲကြတာမို့ လှူ တယ်လို့ဘဲသဘောထားပါတယ်" လို့ကျွန်တော့်ဇနီးကပြောပါတယ်။                            
ဒိန်းမတ်မှာလူတိုင်းအခွန်ဆောင်ကြရတယ်လို့ပြောလို့ရပါတယ်။ ပင်စင်ထောက်ပံ့ကြေးများ၊
ကလေးထောက်ပံ့ကြေးများ၊ ကျောင်းသားထောက်ပံ့ကြေးများ၊ အလုပ်လက်မဲ့ထောက်ပံ့ကြေး
များ၊ မသန်မစွမ်းထောက်ပံ့ကြေးများ နဲ့  နေ့စဉ်ဝယ်ယူသုံးစွဲနေတဲ့ပစ္စည်းတိုင်းဟာလည်း
အခွန်စည်းကြပ်ထားပြီးဖြစ်ပါတယ်။

အထူးစနစ်ကျ လာဘ်ပေးလာဘ်ယူမှုကင်းရှင်းတဲ့ နိုင်ငံတော်အခွန်ဌာနနဲ့အပေါ်ထပ်အဆောက်အအုံရှိတာကြောင့်
နိုင်ငံတော်ကရတဲ့အကျိုးအမြတ်နဲ့ ပြည်သူ့ဘဏ္ဍာခွန်တွေဟာပြည်သူတွေဆီကိုဘဲစီးဆင်းပါတယ်။
လုပ်ငန်းရှင်သူဌေးကြီးများကလည်းဝင်ငွေခွန်ကိုတိကျစွာဆောင်ကြတာကြောင့် သူတို့တစ်တွေ
စီးပွားရေးအောင်မြင်ကြီးပွားတာနဲ့အမျှ နိုင်ငံတော်နဲ့ပြည်သူမှာအကျိုးများရပါတယ်။

၂၀၁၂ခုနှစ်ကကွယ်လွန်သွားတဲ့ဒိန်းမတ်နိုင်ငံမှာအချမ်းသာဆုံးနဲ့ကမ္ဘာ့အချမ်းသာဆုံးစာရင်းဝင်သူဌေးကြီး
Maersk (Mærsk Mc-Kinney Møller) ဟာဆိုရင်နိုင်ငံတော်ကိုဝင်ငွေခွန်တွေနှစ်စဉ်အမြောက်အများပေးဆောင်ခဲ့ပါတယ်။ သူဟာကမ္ဘာအနှံပြေးဆွဲ
နေတဲ့ကွန်တိန်နာ သင်္ဘောကြီးတွေနဲ့စီးပွါးရေးလုပ်ငန်းတွေပိုင်ဆိုင်ပါတယ်။ နိုင်ငံတော်ကို
မှန်ကန်တဲ့ဝင်ငွေခွန်တွေပေးသွင်းသလို သူပိုင်ဆိုင်တဲ့လုပ်ငန်းတွေကိုလဲအချိန်မရွေးစစ်ဆေးနိုင်
ကြောင်းအဆိုပြု ထားပါတယ်။ ရိုးသားတဲ့သူဌေးကြီးဟာပြည်သူတွေအတွက်လဲအဆောက်အအုံတွေဆောက်လုပ်
လှူ ဒါန်းခဲ့ပါတယ်။ ဒါကြောင့်ဘုရင်မရဲ့သူကောင်းပြု ခြင်းခံရတဲ့အပြင် ပြည်သူတွေကလဲသူဌေးကြီးရဲ့
ပိုင်ဆိုင်မှုတွေအပေါ်မှာမုဒိတာအပြည့်ရှိကြတာတွေ့ရပါတယ်။ သူဌေးကြီးဟာဗုဒ္ဓဘာသာဝင်မဟုတ်သော်
ငြား ကုသိုလ်တွေအများကြီးရသွားခဲ့မှာပါဘဲ။

                          သူဌေးကြီးဆောက်လုပ်လှူ ဒါန်းခဲ့တဲ့ပြည်သူ့အော်ပရာဇာတ်ရုံကြီး

ဒီနိုင်ငံကလူတွေဟာလဲမတော်လောဘမများကြတာတွေ့ရပါတယ်။ ပြည်သူတွေဟာနှစ်ပေါင်းများစွာအလုပ်
လုပ်ခဲ့ကြပြီးအသက်ကြီးလာတဲ့အခါမှာအိမ်တစ်လုံးရှိရင်ပြည့်စုံကြပါပြီ။ အသက် ၄၀၊ ၅၀ ၀န်းကျင်မှာတော့
အမြဲနေဖို့အိမ်တစ်လုံးအပြင် တတ်နိုင်ကြရင်ဈေးသိပ်မကြီးတဲ့နွေရာသီနားရက်နေဖို့အပူပေးစနစ်တတ်ဆင်
မထားတဲ့ summer house တစ်လုံးထပ်ဝယ်ကြမယ်။ ဒီ့ထက်မပိုကြပါဘူး။
စနစ်ကျတဲ့အခွန်ကလဲလိုက်လာမယ်လေ။ ပိုင်ဆိုင်မှုတွေပိုများလာလေအခွန်ပေးဆောင်ကြရမှာလဲအများကြီး
မို့လို့ အိမ်တွေတစ်လုံးပြီးတစ်လုံး၊ တိုက်ခန်းတွေတစ်လုံးပြီး၊ မြေကွက်တွေတစ်ကွက်ပြီးတစ်ကွက် အတော
မသတ်နိုင်အောင်ဝယ်မနေအားပါဘူး။ ပိုက်ဆံလဲမရှိကြပါဘူး။ ဒီနိုင်ငံကသူတွေမှာလုံလောက်တဲ့လစာကလွဲရင် အပိုဝင်ငွေမရှိကြပါဘူး။
နေစရာနဲ့အလုပ်သွားစရာရှိပြီးကြရင်လစဉ်စုထားတဲ့ငွေလေးတွေနဲ့တစ်နှစ်ကိုတစ်ကြိမ်၊ နှစ်ကြိမ်ပြည်ပ
ခရီးထွက်ကြပါမယ်။ ပြီးရင်ပိုက်ဆံမရှိကြပြန်ပါဘူး။ နောက်တစ်နှစ်ပြည်ပခရီးထွက်ဖို့အတွက်
အလုပ်ပြန်လုပ်ငွေစုကြရအုံးမှာဘဲဖြစ်ပါတယ်။

မော်တော်ကားအခွန်ဆိုရင်လဲဇိမ်ခံကား၊ တန်ဘိုးကြီးတဲ့ကားဖြစ်လေ နှစ်စဉ်အခွန်ဆောင်ရတဲ့ကားခွန်က
ပိုဈေးကြီးထားပါတယ်။ ၁.၀ အင်ဂျင်အားဘဲရှိတဲ့အလုပ်သွားရုံအိမ်စီးကားမျိုး ကတော့အခွန်သိပ်မများပါဘူး။
အလုပ်လုပ်ဖို့အတွက် ဆလွန်းကားကိုဘဲနောက်ထိုင်ခုံတွေဖြုတ်ထားပြီး လုပ်ငန်းသုံးဆိုရင်အခွန်သက်သာ
ပါလိမ့်မယ်။

ပြီးတော့ဒီနိုင်ငံမှာကျွန်တော်တို့နိုင်ငံနဲ့မတူတာကအစိုးရ၀န်ထမ်းဆိုပြီးသီးသန့်မရှိတာပါဘဲ။ အလုပ်လုပ်သူအားလုံးဟာဝန်ထမ်းတွေဖြစ်ကြပြီးတပြေးညီတဲ့အလုပ်သမားဥပဒေတစ်ခုအောက်
မှာဘဲရှိကြပါတယ်။
ဘယ်သူမှလစာကလွဲလို့အပိုဝင်ငွေမရှိကြပါဘူး။
ဒါကြောင့်လူတန်းစားညီမျှ မှုရှိပါတယ်။ ဆင်းရဲချမ်းသာကွာဟချက်မကြီးမားတာတွေ့ရပါတယ်။

ပြည်သူအားလုံးဆောင်ကြတဲ့အခွန်ငွေတွေအားလုံးဟာလဲ နိုင်ငံအကျိုးပြု ၊ ပြည်သူ့အကျိုးပြု လုပ်ငန်း
တွေမှာဘဲသုံးစွဲပေးတာကြောင့်သူဌေးကြီးတွေများလေ နိုင်ငံနဲ့ပြည်သူအတွက်အကျိုးရှိလေလို့ပြော
လို့ရပါတယ်။

အခွန်နှစ်ချုပ်ခြင်း

ဒိန်းမတ်နိုင်ငံမှာနှစ်စဉ် မတ်လမှာအခွန်နှစ်ချုပ်ပါတယ်။ ပြည်သူအားလုံးလဲအခွန်နှစ်ချုပ်ကိုစောင့်မျှော်လေ့
ရှိပါတယ်။ ဘာ့ကြောင့်လဲဆိုတော့မိမိပေးထားခဲ့တဲ့ဝင်ငွေခွန်တွေပေါ်မှာအခွန်ဌာနကတွက်ချက်ပြီး
ဆောင်ရမှာထက်ပိုနေတဲ့ငွေတစ်ချို့ကိုတစ်ဦးချင်းစီပြန်ပေးတာကြောင့်ပါဘဲ။ ငွေအနဲအများကွာခြားတာက
လွဲပြီးလူတိုင်းလိုလိုပြန်ရလေ့ရှိကြပါတယ်။
တစ်ချို့တစ်လေကတော့ပြန်မရတဲ့အပြင်ဆောင်ဖို့လိုနေသေးတာလဲရှိပါတယ်။ နောက်နှစ်တွေမှာဆက်
တွက်သွားမှာဖြစ်ပါတယ်။
နိုင်ငံတော်အခွန်ဌာနမှာမိမိအကြွေးတင်ရှိနေရင်လဲမိမိပြန်ရမယ့်ငွေထဲကထုတ်နုတ်သွားမှာဖြစ်ပါတယ်။

ဒိန်းမတ်မှာနိုင်ငံတော်နဲ့သက်ဆိုင်တဲ့အကြွေးတင်လို့ ၂ကြိမ် ၃ကြိမ်မှတောင်းလို့မပေးရင်တော့သက်ဆိုင်
ရာဌာနကနေ အဲဒီအကြွေးကိုအခွန်ဌာနကိုလွှဲလိုက်တော့တာပါဘဲ။ အကြွေးရှိနေတဲ့သူဆီကနေအတိုးနဲ့
ပါအခွန်ဌာနကဖြတ်ယူနေမှာကြောင့်ဘယ်သူမှမိမိအကြွေးကိုအခွန်ဌာနမရောက်ချင်ကြပါဘူး။
ဥပမာ။     ။မီးရထား၊ ဘတ်(စ်)ကား လက်မှတ်မဲ့စီးတာမျိုး၊ ယာဉ်မရပ်ရနေရာမှာရပ်တာမျိုးဆိုရင်
မနည်းတဲ့ဒဏ်ငွေကိုဆောင်ဖို့ပြေစာလက်ခံရရှိမှာဖြစ်ပါတယ်။ မဆောင်ချင်ရင်လဲရပါတယ်။
နောက်ဆုံးမှာအခွန်ဌာနကိုအကြွေးလွှဲလိုက်မှာပါဘဲ။
ဒါကြောင့်ဒီကသူတွေဒဏ်ငွေအရမ်းကြောက်ကြတော့စည်းကမ်းတွေလိုက်နာကြတာများပါတယ်။

အစကောင်းမှအနှောင်းသေချာမည့်ဒီမိုကရေစီနိုင်ငံတော်သစ်ဆီသို့

ပြည်သူ့ဝန်ဆောင်မှုတွေကောင်းနေတဲ့ဒိန်းမတ်နိုင်ငံရဲ့စနစ်ကိုလေ့လာကြည့်တဲ့အခါထူးထူးထွေထွေ
မတွေ့ရဘဲလူတွေကိုကိုယ်ကျွမ်းကျင်ရာအလုပ်ကိုစိတ်ချမ်းသာစွာလုပ်ကိုင်နိုင်ကြအောင်ဖေါ်ဆောင်ပေးထား
ခြင်းပါဘဲ။
နိုင်ငံကိုအုပ်ချုပ်နေတဲ့ဝန်ကြီးချုပ်ကစလို့အောက်ခြေ၀န်ထမ်းတွေအဆုံး မိမိနဲ့ထိုက်တန်စွာရရှိတဲ့လုပ်အားခ၊
လစာငွေတစ်ခုတည်းနဲ့ဘဲကောင်းမွန်စွာရပ်တည်နေနိုင်အောင်ဆောင်ရွက်ထားတာတွေ့ရပါတယ်။
လုံလောက်တဲ့မိမိရဲ့တရားဝင်လစာငွေကလွဲရင်ဘယ်သူမှအပိုဝင်ငွေမရှိကြပါဘူး။
ဆိုတော့ကာဘယ်နေရာကတော့ဝင်ငွေကောင်းတယ်၊ ဒီနေရာကတော့အောက်ဆိုဒ်မရှိဘူး ဆိုတဲ့
အကြောင်းအရာတွေမရှိတော့ပါဘူး။
ဝန်ထမ်းတိုင်းကိုလုံလောက်တဲ့လစာပေးထားပြီး လာဘ်ပေးလာဘ်ယူစနစ်ကိုပြည်သူကော၊
ဝန်ထမ်းတွေပါမကျင့်သုံးကြတာပါဘဲ။
ကျွန်တော်တို့နိုင်ငံမှာလဲ တရားဝင်လစာငွေမဟုတ်ဘဲရနေကြတဲ့ငွေတွေကိုထိန်းချုပ်နိုင်ခဲ့ရင်
အဲဒီဘေးထွက်ငွေတွေဟာ ၀န်ထမ်းအားလုံးကိုသူများနိုင်ငံနည်းတူလစာပေးဖို့လုံလောက်နိုင်မှာဘဲ
ဖြစ်ပါတယ်။

အထက်ကစလို့အောက်ခြေအထိခြစားနေမှုတွေကိုအရင်မတိုက်ဖျက်နိုင်ခဲ့ရင် အစကောင်းတဲ့
ဒီမိုကရေစီနိုင်ငံတော်ပေါ်ထွန်းလာနိုင်မှာမဟုတ်ပါဘူး။
ကျွန်တော်တို့နိုင်ငံဟာဒီမိုကရေစီလမ်းကြောင်းပေါ်ကိုခြေလှမ်းပြင်နေတာနဲ့အညီ ပြည်သူ့နိုင်ငံတော်သစ်
ပေါ်ထွန်းနိုင်ဖို့ "မိုးခါးရေဖြတ်ပွဲကြီး"ကို ခြိမ့်ခြိမ့်သည်းကျင်းပနိုင်ဖို့အရေးတကြီးလိုအပ်နေပါပြီ။

ကျွန်တော်တို့နောင်လာနောင်သားများခေတ်ရောက်ရင် ပြည်သူ့ဘဏ္ဍာတွေပြည်သူ့ဆီကိုဘဲ အပြည့်အ၀စီးဆင်းပြီး ဒီမိုကရေစီအသီးအပွင့်တွေနဲ့သန့်ရှင်းတဲ့နိုင်ငံတော်ကြီးမှာလူဖြစ်ခွင့်ရကြအောင်
ပျက်အစဉ်ပြင်ခဏဆိုသလို စနစ်ဆိုးတွေကိုပြု ပြင်တိုက်ဖျက်ဖို့ကျွန်တော်တို့ပြည်သူလူထုအပါအ၀င်၊
နိုင်ငံတော်အစိုးရမှာအထူးတာဝန်ကျရောက်နေပြီဖြစ်ပါကြောင်း ဒီဆောင်းပါးနဲ့အတူတိုက်တွန်းနှိုးဆော်
လိုက်ရကြောင်းပါခင်ဗျား။

မင်းမော်လှမြင့်(YSO,PKU)
စာပြီးချိန်။   ။၂၃:၁၅ (၁၈.၁၀.၂၀၁၄)

ဓါတ်ပုံမှတ်စု။

                              သူဌေးကြီး Maesk နှင့်အိမ်ရှေ့မင်းသားမောင်နှံ

                                     သူဌေးကြီးMaerk နှင့်ဒိန်းမတ်ဘုရင်မကြီး

                              ဒိန်းမတ်ပြည်သူ့ဆေးရုံတစ်ရုံရဲ့အဓိပ္ပါယ်ပြည့်ဝတဲ့ရုပ်ထု

                                        ဒိန်းမတ်အခွန်ဌာနတံဆိပ်

                           ဒိန်းမတ်ကဒီမိုကရေစီအသီးအပွင့်အထူးကုဆေးရုံကြီးတစ်ရုံ

                                        ဒိန်းမတ်နိုင်ငံအမျိုးသားစာကြည့်တိုက်

                                          စာကြည့်တိုက်အတွင်းပိုင်းမြင်ကွင်း

Face post(from Myo Naing)

Facebook Page မှာ အလိုအလျောက် ပို့စ်တွေကို တက်အောင်လုပ်နည်း
**************************************************************************
အချိန်ပေးပြီး ဖေ့ဖွတ်ကို မသုံးနိုင်လို့ နာရီပိုင်းလောက်ပဲ အချိန်ရတဲ့ Facebook Page နဲ့ အလုပ်လုပ်ကြတဲ့ သူတွေအတွက် တကယ်ကို လိုအပ်မယ့် နည်းလမ်းလေး တစ်ခုဖြစ်လို့ မျှဝေပေး လိုက်ရပါတယ်။
(၁) မိမိ၏ Facebook Page မှာ Status တစ်ခု တင်ပါ။ ပုံ ပါလည်း ရပါတယ်။

(၂) Post ကို မနှိပ်လိုက်ပါနဲ့။
(၃) အောက်ဘက်တွင် နာရီပုံလေးကို တွေ့ပါလိမ့်မယ်။ ၎င်းနာရီပုံအား တစ်ချက်နှိပ်လိုက်ပါ။
(၄) Schedule Post ဆိုတာကို တွေ့ရမှာဖြစ်ပါတယ်။
(၅) အဲဒီမှာ Add a Time ? ဆိုတဲ့ နေရာမှာ မိမိအလိုရှိတဲ့ အချိန်ကို ရွေးချယ်လိုက်ပါ။
(၆) ပြက္ခဒိန်ကတော့ ယနေ့အတွက် ဆိုရင် နှိပ်စရာမလိုဘဲ မနက်ဖြန်နှင့် တခြားသော နေ့တွေအတွက်ဆိုရင်တော့
ရွေးပေးလိုက်ပါ။
(၇) အားလုံး ရွေးပြီးတာနဲ့ Schedule မှာ တစ်ချက်နှိပ်လိုက်ပါ။
(၈) ထိုအခါ မိမိရွေးထားတဲ့ အချိန် နေ့စွဲ စတာလေးတွေကို Your Post Has Been Scheduled ပေါ်လာပါလိမ့်မယ်။
(၉) View Activity Tab မှာ တစ်ချက်နှိပ်ပါ။
(၁၀) အားလုံး အဆင်ပြေ သွားပါပြီ။ Scheduled Posts ဆိုတဲ့ ခေါင်းစဉ်နဲ့ အတူ မိမိ၏ ပို့စ်ကို တွေ့နိုင်ပါပြီ။ မိမိ Facebook Page ၏ မူလ စာမျက်နှာသို့ ပြန်လည်သွား လိုက်ပါ။
ဤတွင် မိမိ Schedule လုပ်လိုက်သော ပို့စ်အား ပြင်ချင်တယ်ဆိုပါက View post ဆိုတဲ့ စာတန်းကို နှိပ်ပြီး ပြင်ဆင်နိုင်ပါတယ်။ ၆ လလောက်ထိအောင် ပို့စ်များကို Scheduled လုပ်ထားနိုင်ပါတယ်။ ပုံကိုကြည့်ပြီးလည်း လုပ်ဆောင်နိုင် ပါတယ်။
Credit >> ရိုးရာလေး

ဒိန်းမတ်နိုင်ငံ"အခြေခံဥပဒေ"ရဲ့အသီးအပွင့်တစ်ခု

လွန်ခဲ့တဲ့ ဂျွန်လ ၅ ရက်နေ့ကဒိန်းမတ်နိုင်ငံရဲ့ပြည်သူလူထုတွေ
အမြတ်တနိုးထားတဲ့၊ သူတို့ရဲ့လူနေမှုဘ၀တွေကိုစောင့်ရှောက်ပေးနေတဲ့
"ဖွဲ့စည်းပုံအခြေခံဥပဒေနေ့"ဖြစ်ပါတယ်။

အဲဒီနေ့မှာဘဲတိုက်တိုက်ဆိုင်ဆိုင် သူတို့နိုင်ငံရဲ့ဒီမိုကရေစီအခြေခံဥပဒေရဲ့
အသက်ဝင်မှုကြောင့်ပေါ်ထွန်းလာတဲ့ ပြည်သူ့အထူးကုဆေးရုံကြီးတစ်ရုံကို
ရောက်ဖြစ်ခဲ့ပါတယ်။
အဲဒီနေ့ကအလုပ်ပိတ်ရက်လဲဖြစ်တာကြောင့် မိတ်ဆွေတစ်ယောက်ရဲ့သားငယ်လေး
ကိုလိုက်ပို့ရင်း ရောက်ခဲ့တဲ့ Bispebjerg ဆေးရုံကြီးရဲ့ဓါတ်ပုံအချို့ နဲ့အတူ
တွေးမိတဲ့အတွေးတစ်မျှင်ကို စာရှုသူများကိုမျှဝေတင်ပြလိုက်ပါတယ်။

                                                ဆေးရုံကြီး၏မျက်နှာစာ

၁၈၄၉ မှာစတင်အတည်ပြု ပြဌာန်းခဲ့တဲ့ ဒီမိုကရေစီဖွဲ့စည်းပုံအခြေခံဥပဒေရဲ့
အသီးအပွင့်ဖြစ်တဲ့ဆေးရုံကြီးကို 1913 မှာစတင်တည်ထောင်ခဲ့ပြီး ဥယာဉ်မြို့အသွင်
ဆောက်လုပ်ထားပါတယ်။
ဝန်ထမ်းသုံးထောင်ရှိပြီးအဲဒီဝန်းကျင်ကပြည်သူ လေးသိန်းကိုစောင့်ရှောက်မှု
ပေးနိုင်ဖို့တည်ထောင်ခဲ့ကြောင်းသိရပါတယ်။
ဓါတ်ပုံထဲမှာလိုဆေးရုံကြီးထဲကိုယာဉ်တွေတောက်ရှောက်ဝင်သွားရုံပါဘဲ။

ဌာနတစ်ခုနဲ့တစ်ခုကူးမယ်ဆိုရင်ပန်းဥယာဉ်တွေကိုဖြတ်သန်းသွားရမှာပါ။
ပြည်သူတွေသက်တောင့်သက်သာဖြစ်ဖို့ရယ်၊ ဆေးရုံလို့မခံစားရအောင်ရယ်
ဒီဇိုင်းထုတ်ထားကြောင်းသိရပြီး ၀န်ထမ်းတွေအတွက်မြေအောက်ဥမင်လမ်းကိုပါ
ထဲ့သွင်းတည်ဆောက်ခဲ့ကြောင်းသိရပါတယ်။
မြို့ထဲကအိုအေစစ်(Green Oasis in the city) လို့တင်စားခေါ်ပါတယ်။

                                              ဆေးရုံကြီး၏အတွင်းပိုင်း


ကျွန်တော်တို့မြို့နယ်ဆေးရုံကနေလမ်းညွှန်မှုနဲ့စပယ်ရှယ်လစ်တွေစုံတဲ့
အဲဒီအထူးကုဆေးရုံကြီးကိုလာခဲ့ကြရတာဖြစ်ပါတယ်။
အဲဒီကိုသွားဆိုပြီး ပြီးစလွယ်လွှတ်လိုက်တာမဟုတ်ပါဘူး။
ဆရာဝန်ချင်းဆက်သွယ်ရှင်းပြ အချိန်ပါယူပြီးမှသွားခိုင်းတာပါ။
ဆေးရုံဝန်းကြီးကအကျယ်ကြီးဖြစ်ပေမဲ့ သွားရမယ့်ဌာနထိကားမောင်းသွား
လို့ရတာကြောင့် အဲဒီဌာနရဲ့ကားပတ်ကင်မှာကားရပ်ပြီးပန်းခြံလမ်းကို
တစ်မိနစ်ပြည့်အောင်မလျောက်ရဘဲလူနာကြို ဌာနကိုရောက်ပါပြီ။

ဆေးကုသမှုအားလုံးအခမဲ့ဖြစ်တဲ့အပြင် လူနာနဲ့ပါလာသူတွေအတွက်
ှုဧည့်ခန်းမှာသောက်စရာဖျော်ရည်စုံထားပေးတဲ့အပြင်နေ့လည်စာချိန်ရောက်
လာတော့အဆာပြေစားနိုင်ကြအောင် ဆင်းဒ၀ှစ်ပါလာထားပေးပါတယ်။
အလကားကျွေးတာမို့အဖြစ်လုပ်ထားတာမဟုတ်ပါဘူး။

မိတ်ဆွေရဲ့ကလေးကိုလဲအထူးကုဆရာဝန်ကသေသေချာချာစစ်ဆေးပေးပြီး
လိမ်းရမယ့်ဆေးတွေလဲသူနာပြုဆရာမကသေသေချာချာဘယ်လိုသုံးရမယ်
လမ်းညွှန်ပြီးအခမဲ့ပေးလိုက်ပါတယ်။
လိုအပ်တဲ့စောင့်ရှောက်မှုကိုလဲသက်ဆိုင်ရာဆေးရုံကဘယ်လိုဆောင်ရွက်ရမယ်
ဆိုတာသူတို့ဆေးရုံချင်းဆက်သွယ်သွားပါတယ်။
သင့်တော်တဲ့နေ့မှာပြန်လာပြနိုင်အောင်နဲ့အရေးပေါ်ဆောင်ရွက်စရာများရှိရင်လဲ
ဆက်သွယ်နိုင်အောင်လမ်းညွှန်မှုပေးလိုက်ပါတော့တယ်။

                                           ဆေးရုံကြီး၏ဂိတ်အ၀င်ပေါက်

ကျွန်တော့်အတွေးတစ်မြှင်။

သူများနိုင်ငံကပြည်သူတွေခံစားနေရတဲ့အခွင့်အရေးတွေကို
အထင်ကြီး မစားရ၀ခမန်းရေးပြနေခြင်းဆိုတာထက်
ငါတို့ပြည်သူတွေတစ်နေ့သူတို့လိုခံစားနိုင်ကြပါစေဆိုတဲ့စေတသိက်
သာအဓိကထားပါတယ်။

ကျွန်တော်သည်မည်သည့်ပါတီစွဲ၊ ပုဂ္ဂိလ်စွဲမှရှိသူမဟုတ်ဘဲ
နိုင်ငံရပ်ခြားမှာနေထိုင်တဲ့သာမန်မြန်မာလူမျိုးတစ်ဦးမျှသာဖြစ်ပါတယ်။
မြန်မာပြည်တိုးတက်မယ်၊ မြန်မာတိုင်းရင်းသားပြည်သူလူထုကောင်းစားမယ်
ဆိုရင်မည်သည့်အစိုးရမျိုးကိုမဆိုအားပေးထောက်ခံမယ့်သူပါ။

ကျွန်တော် ၁၉၉၅ မှာစပြီးမလေးရှားနိုင်ငံကိုထွက်ခဲ့ပါတယ်။
ယိုးဒယားမှာ ၁၀ရက်လောက် မလေးရှားမထွက်ခင်နေခဲ့ရကထဲက
သူတို့နိုင်ငံရဲ့ကောင်းမွန်တဲ့လမ်းတွေ၊ အဝေးပြေးလမ်းတွေကို
သတိပြု မိခဲ့ရပါတော့တယ်။
ပြည်သူ့ ပို့ဆောင်ရေးလုပ်ငန်းတွေကလဲကျွန်တော်တို့နိုင်ငံထက်
အများကြီးသာနေတာတွေ့ရပါတယ်။

မလေးရှားရောက်လို့ ၁၀နှစ်နေခဲ့တဲ့ကာလမှာလဲ သူတို့နိုင်ငံအစိုးရရဲ့
ပြည်သူအပေါ်စောင့်ရှောက်မှုတွေတွေ့ရပါတော့တယ်။
မြို့ပေါ်ကပြည်သူတွေတိုက်ခန်းပေါ်အားလုံးရောက်လို့ ကျေးရွာပြည်သူ
တွေလဲတိုက်တွေနဲ့နေနိုင်အောင်ဖန်တီးပေးထားပါတယ်။
ပြည်သူ့ဆေးရုံတွေလဲ အဆင့်မှီတာတွေ့ခဲ့ရပါပြီ။
စူပါမာကက်ကြီးတွေ၊ အပန်းဖြေစရာနေရာဒေသတွေဆိုလဲ
လူတန်းစားမရွေးဝယ်နိုင်ခြမ်းနိုင်၊ လည်ပတ်နိုင်ကြပါတယ်။

အဝေးပြေးလမ်း၊ မိုးပျံလမ်းတွေကိုအဆင့်မှီပြည်သူလူထုလုံခြုံ စိတ်ချစွာ
သွားလာနိုင်အောင်ဖေါက်လုပ်ပေးထားပါတယ်။
ပြည်သူ့ဆက်သွယ်ပို့ဆောင်ရေးကောင်းနေပါပြီ။
ပြည်သူတွေဝမ်းဝကာမှ ပူထရာဂျာရာ ဆိုတဲ့အစိုးရရုံးစိုက်ရာမြို့ကို
တည်ထောင်ခဲ့ပါတယ်။
မြို့တော် ကွာလမ်လမ်ပူ ကနေ ၄၅ မိနစ်ဝန်းကျင်မောင်းရုံပါဘဲ။
ဝန်ကြီးရုံးတွေ၊ သံရုံးတွေကိုတစ်နေရာထဲမှာဘဲကိစ္စပြီးငြိမ်းအောင်
ဆောင်ရွက်နိုင်ကြဖို့ပါ။

ဒိန်းမတ်ရောက်လို့ ၁၀နှစ်နီးပါးအတွင်းမှာလဲ ဒီမိုကရေစီအသားကျနေပြီး
ဖြစ်တာနဲ့အညီ အစိုးရကသူ့ရဲ့ပြည်သူလူထုကို မွေးဖွားချိန်ကနေ သေဆုံးချိန်
အထိစောင့်ရှောက်မှုပေးတာတွေကိုမျက်ဝါးထင်ထင်တွေ့ရပါပြီ။

သူတို့နိုင်ငံတွေကျွန်တော်တို့နိုင်ငံထက်လဲထူးပြီးသယံဇာတမထွက်ပါဘူး၊
လူဖြစ်ခဲ့ကြတာချင်းအတူတူ ငါတို့နိုင်ငံကပြည်သူတွေသူတို့လို
အစိုးရရဲ့စောင့်ရှောက်မှုတွေဘာလို့မခံစားခဲ့ကြရတာလဲတွေးကြည့်မိတော့

သူတို့အစိုးရတွေကို ပြည်သူကမကြိုက်တော့ရင်၊ ဒါမှမဟုတ် ပြည်သူ့အတွက်
တာဝန်ပျက်ကွက်တယ်လို့မြင်ရင် ပြည်သူကဖြုတ်ချနိုင်တဲ့အခွင့်အရေးရှိနေတာပါဘဲ။
ဒါကြောင့်တက်လာတဲ့မည်သည့်ပါတီ၊ အစိုးရမဆို ဖင်ထိုင်ခုံလေး ၄နှစ်၊၅နှစ် တန်သည်
မြဲဖို့ ပြည်သူနဲ့နိုင်ငံအတွက်လုပ်ပြကြဖို့ကအရင်အဓိကဦးစားပေးဘဲဖြစ်ပါတော့တယ်။

ကျွန်တော်တို့နိုင်ငံကအခုမှ အဲလိုဖြစ်နိုင်အောင်ပြည်သူ့အစိုးရဖြစ်နိုင်ဖို့အတွက်
"ပြည်သူ့ဒီမိုကရေစီအခြေခံဥပဒေ"ကိုဝိုင်းဝန်းရေးဆွဲကြရမှာဖြစ်ပါတယ်။
လက်ရှိအစိုးရကော၊ တပ်မတော်သားအားလုံးကော၊ နိုင်ငံရေးပါတီအားလုံး
သာမက နိုင်ငံသားတိုင်းမှာတာဝန်အနဲနဲ့အများရှိနေကြတဲ့အချိန်ပါ။

ပြောရရင် လက်ရှိအစိုးရကော၊ တပ်မတော်ဗိုလ်ချုပ်ကြီးများပါ တစ်ချိန်မှာပြည်သူဘ၀
ပြန်ရောက်ကြရမှာမို့သူတို့အတွက်လဲဖြစ်ပါတယ်။ သားစဉ်မြေးဆက်အတွက်
စစ်မှန်တဲ့ ပဒေသာပင်ကိုမျိုးစေ့ချပေးရတော့မယ့်အချိန်ပါ။

ဒီလိုပြည်သူ့လက်ထဲအာဏာရောက်သွားပြီဆိုမှ စနစ်တွေအများကြီးကို
ပြင်ဆင်ကြရအုံးမှာဖြစ်ပါတယ်။ နေရာဘဲလိုချင်တဲ့၊ လာဘ်စားချင်တဲ့ပြည်သူ့
ကိုယ်စားလှယ်တွေကို ပြည်သူကဖယ်ရှားသွားနိုင်မှာဖြစ်ပါတယ်။
၂၀၁၅ ကပြည်သူ့အတွက်တကယ်အလုပ်လုပ်ပေးမယ့်သူတွေရဲ့ပွဲဖြစ်ဖို့လိုပါတယ်။

ကျွန်တော်တို့သားစဉ်မြေးဆက်ခေတ်ရောက်ရင်..

လယ်သမား၊ သာမန်အလုပ်သမားသားသမီးလဲနိုင်ငံခြားကိုပညာသင်လွှတ်နိုင်အောင်
(တနည်း) ပြည်တွင်းမှာဘဲအဆင့်မှီပညာရေးစနစ်ကို သမတ၊ ၀န်ကြီးချုပ်သားသမီးလဲ
ဒီကျောင်း၊ အများပြည်သူ့သားသမီးလဲဒီကျောင်း ဘဲအတူတူတက်ကြရတဲ့
ပြည်သူ့ကျောင်းတွေပေါ်လာအောင်၊

အစိုးရနဲ့ပြည်သူ အေးအတူပူအမျှ ဖြစ်ရအောင်၊

တပ်မတော်နဲ့ပြည်သူကြည်ဖြူ ဆိုတဲ့ဆောင်ပုဒ်တကယ်ဖြစ်လာအောင်၊

အမျိုး၊ ဘာသာ၊ သာသနာကိုလဲစောင့်ရှောက်ပြီးဖြစ်အောင်၊

ခြစားနေတဲ့အပေါ်ထပ်အဆောက်အအုံကဒေါက်တိုင်တွေကို
အသစ်လဲနိုင်အောင်၊

အခွန်ရှောင်လို့မရဘဲ ချမ်းသာလေပြည်သူ့ဆီရောက်လေဆိုတဲ့
စနစ်ကျလာဘ်မစားတဲ့နိုင်ငံတော်အခွန်ဌာနပေါ်ထွန်းလာအောင်၊

မိုးခါးရေဖြတ်ပွဲကြီးခြိမ့်ခြမ့်သည်းကျင်းပနိုင်အောင်၊

အစိုးရ၀န်ထမ်းဆိုပြီးနှောင်ကြိုးချည်မခံရဘဲ နိုင်ငံပြည်သူ့ဝန်ထမ်းစစ်စစ်တွေ
အဖြစ်နဲ့လုံလောက်တဲ့လစာရကြရအောင်၊

ပညာရေးဝန်ထမ်းများနိုင်ငံတကာမှာလိုလစာကောင်း၊ ဂုဏ်သရေရှိပြီး၊
အစိုးရရဲ့အနိုင်ကျင့်မှုများမှကင်းဝေးအောင်၊

အသိပညာရှင်၊ အတတ်ပညာရှင်၊ ဆရာဝန်များပါမိမိနိုင်ငံမှာဘဲ
ထိုက်ထိုက်တန်တန်အသက်မွေးဝမ်းကြောင်းပြုနိုင်ကြအောင်၊

ရဟန်းသံဃာတော်များလဲတရားဓမ္မမှာဘဲမွေ့ပျော်နိုင်ကြအောင်၊

ကလေးတွေဗွက်ထဲကရုန်းပြီး ကျောင်းမတက်ကြရအောင်၊

မိမိသားသမီးတွေ နိုင်ငံရပ်ခြားသွားပြီးဝမ်းစာရှာဖို့မလိုအောင်၊

ပြည်ပသွားဆေးကုသဖို့ မလိုအောင်၊

အိုစာမင်းစာစုဆောင်းဖို့မလိုအောင်၊

ဦးနှောက်ယိုစီးမှုတွေမဖြစ်အောင်၊

ဗိုလ်ချုပ်အောင်ဆန်းကိုအပြစ်ပြောတဲ့သူမျိုးတွေမရှိရအောင်၊

ကုန်ကုန်ပြောရရင် အရက်ကြိုက်တတ်သူများလဲ
မြန်မြန်မသေကြရအောင်၊
ဘတ်(စ်)ကားခိုစီးလို့ ပြုတ်ကျ ခြင်းမှကင်းအောင်၊
အဆင့်မှီအမြန်လမ်းမတွေမှာပြည်သူတွေအသက်အန္တရာယ်ကင်းပြီး
ခရီးသွားလာနိုင်ကြရအောင်၊

ကျွန်တော်တို့လိုလဲမိဝေးဖဝေးမနေကြရအောင်၊

"စစ်မှန်တဲ့ပြည်သူ့အခွင့်အရေးအခြေခံဥပဒေများလဲစာအုပ်ထဲကအပြင်ထွက်လာအောင်"

"ပြည်သူ့ဒီမိုကရေစီအခြေခံဥပဒေ" ပေါ်ထွန်းပြီး
"ပြည်သူ့ဒီမိုကရေစီအစိုးရ" ပေါ်ထွက်လာဖို့လိုပါကြောင်း
စာရှုသူပြည်သူများအားတင်ပြလိုက်ရကြောင်းပါခင်ဗျား။

မင်းမော်လှမြင့်(YSO,PKU)

                                            ဆေးရုံကြီးရဲ့မျက်နှာစာကရုပ်ထု

ဒိန်းမတ်ကခလေးသူငယ်စောင့်ရှောက်မှုနှင့်ပညာရေး

မြန်မာနိုင်ငံကသူငယ်ချင်းအယ်ဒီတာတစ်ဦးရေးတဲ့"ဖားတစ်ပိုင်း ငါးတပိုင်း ဖားလောင်းကျောင်းကလေး"ဆောင်းပါးလေးကိုဖတ်မိပြီး
ကျွန်တော်တို့နိုင်ငံမှာမူလတန်းပညာကိုတောင်သင်ဖို့ အဆင်မသင့်ကြတဲ့ခလေးငယ်တွေနဲ့မူလတန်းကျောင်းလေးတွေကို
ပင်ပန်းတကြီးသွားလို့တက်ရောက်နေကြရတဲ့ ကျေးလက်တောရွာတွေက ခလေးကျောင်းသားတွေရဲ့ဘ၀ကိုစာနာစိတ်နဲ့အတူ
ဒီဘက်ကဒီမိုကရေစီနိုင်ငံတွေမှာ ခလေးတွေပညာရေး၊ အသိပညာဖွံ့ဖြိုးရေး ကနိုင်ငံတော်အတွက်အထူးအရေးပါကြောင်း
သဘောပေါက်ကြတာနဲ့အညီ ဘယ်လိုဘယ်ပုံ ခလေးတွေအတွက်ဆောင်ရွက်ပေးထားကြတယ်ဆိုတာကို မိမိနိုင်ငံနဲ့သင့်တော်တဲ့
ကောင်းတဲ့အရာလေးတွေအတုယူဆောင်ရွက်နိုင်ကြအောင် ဒိန်းမတ်နိုင်ငံကခလေးသူငယ်စောင့်ရှောက်မှုကိုလက်လှမ်းမီသမျှတင်ပြလိုက်ပါတယ်။

ကိုယ်ဝန်ဆောင်ချိန်နှင့်မွေးဖွားချိန်

ဒိန်းမတ်နိုင်ငံမှာသူ့နိုင်ငံသားနဲ့မှီတင်းနေထိုင်ခွင့်ရကြတဲ့သူတိုင်းကို တပြေးညီစောင့်ရှောက်ပါတယ်။
ကိုယ်ဝန်ဆောင်ချိန်မှစလို့သက်ဆိုင်ရာဆရာဝန်နဲ့သူနာပြုဆရာမတို့ကကျန်းမာရေးစောင့်ရှောက်မှုပေးပါတယ်။
သက်ဆိုင်ရာသူနာပြုက အိမ်တိုင်ရာရောက်စောင့်ရှောက်မှုပေးပါတယ်။
မွေးဖွားချိန်ရောက်ပြန်တော့လဲ သက်ဆိုင်ရာဆေးရုံမှာအဆင်ပြေစွာမွေးဖွားနိုင်အောင်စီစဉ်ပေးပါတယ်။
အားလုံးအခမဲ့ဆိုပေမဲ့လဲ စေတနာအပြည့်နဲ့ဝန်ဆောင်မှုကိုမိခင်လောင်းတိုင်း ခလေးငယ်တိုင်း
ရရှိကြပါတယ်။
ဘုရင်မမြေးဘဲဖြစ်ဖြစ် ၀န်ကြီးချုပ်ကိုယ်တိုင်မီးဖွားရင်ဘဲဖြစ်ဖြစ် ဒီပြည်သူ့ဆေးရုံမှာဘဲ
သာမန်ပြည်သူတွေလိုဘဲမီးဖွားကြတာဖြစ်ပါတယ်။
ခလေးငယ်တွေဟာလဲ ၁၈နှစ်ပြည့်တဲ့အထိလစဉ်နိုင်ငံတော်ကနေသင့်တင့်တဲ့ထောက်ပံ့ကြေးကိုရရှိကြပါတယ်။

နေ့ခလေးထိန်းကျောင်းသွားကြရပြီ

                                             ၉လကနေ၃နှစ်အထိခလေးတန်း

ဒီနိုင်ငံကခလေးတွေဟာကျွန်တော်တို့နိုင်ငံကခလေးတွေလိုတော့အမေ့ရင်ခွင်မှာကြာကြာကြီး
အားရအောင်မနေကြရရှာပါဘူး။
ယောက်ကျားမိန်းမအခွင့်အရေးတူဖြစ်တာနဲ့အညီ လင်ရောမယားပါအလုပ်လုပ်ကြတဲ့နိုင်ငံဖြစ်တာကြောင့်
ခလေးတွေတစ်နှစ်ဝန်းကျင်ဆိုနေ့ခလေးထိန်းကျောင်းကိုပို့ကြရပါပြီ။
ကျောင်းအလိုက် ၆လအရွယ်၊ ၉လအရွယ်ဆိုရင်ကျောင်းလက်ခံပါပြီ။

ကျွန်တော်အလုပ်ဝင်နေတဲ့ကျောင်းကတော့ နိုင်ငံတော်ကပံ့ပိုးမှုနဲ့ဖွင့်လှစ်ထားတဲ့မြို့ငယ်လေးတစ်မြို့က
နေ့ခလေးထိန်းနဲ့တွဲထားတဲ့ မူကြိုကျောင်းကလေးဘဲဖြစ်ပါတယ်။
အခန်းတွေနဲ့ဆရာ၊ဆရာမတွေကိုသီးခြားတာဝန်တွေခွဲပေးထားပါတယ်။
၉လကနေ၃နှစ်ထိခလေးတန်း၊ ၃နှစ်မှ၎နှစ်ကအငယ်တန်း၊ ၄နှစ်က၅နှစ်ထိအလတ်တန်းနဲ့၅နှစ်က၆နှစ်ထိ
အကြီးတန်းဆိုပြီးခွဲထားပါတယ်။
ကျောင်းဝန်းထဲကစားချိန်တွေမှာတော့ ၃နှစ်ကနေအထက်တွေအတူတူကစားနိုင်ကြပါတယ်။
ကျောင်းကိုမနက် ၇နာရီကနေညနေ ၅နာရီထိ၊ တနင်္လာကနေသောကြာထိဖွင့်ပေးထားပါတယ်။
မနက် ၇နာရီကစလို့မိဘတွေအလုပ်သွားရင်းအဆင်သင့်သလို ခလေးတွေကျောင်းကိုရောက်ရှိလာကြပါပြီ။
အပြန်အကြိုကျလဲအလျဉ်းသင့်သလို မိဘတွေအလုပ်ပြီးချိန်ကစလို့ကျောင်းမပိတ်ခင်လာကြို သွားကြပါပြီ။

၆လ၊ ၉လကနေ၃နှစ်ထိနေ့ကလေးထိန်းကျောင်းကိုတော့ ကျွန်တော်အလုပ်ဝင်နေတဲ့ကျောင်းကြီးလိုမျိုး
မရှိသေးတဲ့မြို့အသေးလေးတွေမှာဘဲအပ်နိုင်အောင်နိုင်ငံတော်ကစီစဉ်ပေးထားပုံကလဲ
စိတ်ဝင်စားဖို့ကောင်းပါတယ်။
ခလေးသူငယ်သင်ကြားခြင်းဆိုင်ရာဒီပလိုမာ(Educator)ကျောင်းဆင်းပြီးသူတစ်ဦးဟာ မိမိအိမ်မှာဘဲကျောင်းဖွင့်ခွင့်လျောက်ထားနိုင်ပါတယ်။
သက်ဆိုင်ရာကလာရောက်ကြည့်ရှုပြီးခလေးတွေအတွက်သင့်တော်တဲ့ နေရာဖြစ်မယ်ဆိုရင်ဖွင့်ခွင့်ရပါပြီ။
သူ့ကိုအိမ်စိုက်ခအပါအ၀င်သက်ဆိုင်ရာကလခပေးပါတယ်။
အများဆုံးဆရာမတစ်ဦးကိုခလေး ၄ယောက်ဘဲစောင့်ရှောက်ခွင့်ပေးပါတယ်။
ကျွန်တော်နေထိုင်တဲ့မြို့ သေးသေးလေးမှာဘဲအခုလို ၄ယောက်လက်ခံတဲ့အိမ်ကျောင်းလေးတွေ
ဖွင့်လှစ်ထားတာတွေ့ရပါတယ်။
သူတို့တွေသတ်မှတ်ရက်မှာအပြင်လည်နိုင်အောင်လဲသက်ဆိုင်ရာကကျောင်းလေးတွေကိုလိုအပ်တဲ့
ခလေး၎ယောက်စီးတွန်းလှည်း စတာတွေပံ့ပိုးပေးကြောင်းသိရပါတယ်။


                 မြို့လေးကကျောင်းကြီးကိုအလည်လာကြတဲ့အိမ်ကျောင်းကကား၂စီး

ခလေးတန်းက ကလေးတွေမှစလို့ ကိုယ်တိုင်အစားအစာ စားတတ်အောင်သင်ပေးပါပြီ။
နံနက်ခင်းစာ၊ နံနက်သစ်သီးစာ၊ နေ့လည်စာ နဲ့ နေ့လည်သစ်သီးစာတွေကိုကိုယ်တိုင်စားစေပါတယ်။
နို့ဘူးမလွတ်သေးတဲ့ကောင်တွေကိုလဲ နို့ဘူးတိုက်ရပါတယ်။ အိပ်ချိန်မှာအိပ်ကြရပါတယ်။

ဒီကောင်တွေကစကားလဲမတတ်သေးတော့ သူငယ်ချင်းမဖွဲ့တတ်သေးပါဘူး။
ဝူးဝူးဝါးဝါးနဲ့ပြောချင်တာပြောပြီး တစ်ဦးချင်းစီ စိတ်ကူးပေါက်ရာလုပ်နေကြတာပါဘဲ။
ကစားချိန်တွေမှာလမ်းလျှောက်တတ်ကာစတွေမို့ ယိုင်ထိုးယိုင်ထိုး တောက်တောက်၊ တောက်တောက်
နဲ့လျှောက်သွားပြီး လောကကိုစူးစမ်းနေကြပါတယ်။
၂နှစ်ဝန်းကျင်ဆိုစက်ဘီးအသေးလေးတွေစီးတတ်ကြပါပြီ။ စက်ဘီးစီးချိန်ကိုသူတို့အင်မတန်ကြိုက်ပါတယ်။
ဆရာ၊ ဆရာမတွေကဘေးမဖြစ်အောင်ကြည့်ရှုနေရုံပါဘဲ။
ကျောင်းဝန်းထဲမှာပတ်ပြီးစီးနေကြရောဘဲ။ ဒါကြောင့်စက်ဘီးမစီးတတ်တဲ့ဒိန်းမတ်လူငယ်မရှိပါဘူး။

စကားပြောတတ် စကားနားလည်ပြီဆိုတာနဲ့ အက္ခရာအခြေခံလေးတွေ၊ ကဗျာလေးတွေစဆိုကြရပါပြီ။
သူတို့ရဲ့ခလေးအခွင့်အရေးအရ ခလေးတွေသဘောမတူဘဲဘာတစ်ခုမှလုပ်လို့မရပါဘူး။
တစ်လောတုန်းက ကျောင်းအုပ်ဆရာမကြီးအလုပ်ပြောင်းမှာမို့ ကျွန်တော်တို့ဆရာ၊ဆရာမတွေရဲ့
လက်ဆောင်ပန်းခြင်းအပြင် ကျောင်းသားတွေရဲ့အမှတ်တရလက်ဆောင်အဖြစ်ခြေဖ၀ါးရာတွေပေးဖို့
လက်ထောက်ကျောင်းအုပ်ဆရာမကြီးကစီစဉ်ပါတယ်။
ပေါက်ပေါက်ရှာရှာဗျာ။ ရွှေဥာဏ်တော်ကလဲစူးရောက်ပါ့။

ခလေးတွေခြေဖ၀ါးမှာပန်းချီဆွဲတဲ့ရေဆေးနဲ့သုတ်ပြီး နံကာစက္ကူ ချပ်ပေါ်မှာနှိပ်ပေးရတာပါ။
ဘာ့အတွက်ဆိုတာသေသေချာချာသဘောပေါက်အောင်ရှင်းပြပြီးမှ သူတို့သဘောတူမှလုပ်ရပါတယ်။
၂နှစ်ခွဲကောင် မစ်ခေးနဲ့ ၄နှစ်ကောင် ဒင်နီရယ်က သဘောမတူလို့ အတင်းမလုပ်ပါဘူး။
သူတို့သဘောတူတဲ့ သူတို့ခြေဖ၀ါးရာကိုဘေးကကွင်းပြီးဆွဲတာကိုဘဲရပါတယ်။
ခလေးတွေကိုဘယ်တော့မှမရိုက်ရပါဘူး။ လိမ်ဆွဲတာ၊ ခေါင်းခေါက်တာတွေလုံးဝမလုပ်ရပါဘူး။
ဘယ်ဟာကကောင်းတယ်၊ မကောင်းဘူးဆိုတာကိုနားလည်အောင်သင်ပြပေးသွားပါတယ်။

နေ့ခလေးထိန်းမှသည်မူကြိုဆီသို့

၃နှစ်ပြည့်တဲ့အခါမတော့မူကြိုအငယ်တန်းကိုသူတို့ရောက်ကြပါပြီ။
ခလေးတွေကသိတတ်လာတာနဲ့အမျှ ဆရာ၊ဆရာမကိုမကြောက်ပါဘူး။ ချစ်ကြပါတယ်။
ဒါကြောင့်ဆရာ၊ ဆရာမအမိန့်ကိုနာခံလိုက်နာကြပါတယ်။
လူဆိုးတစ်ယောက်စနှစ်ယောက်စလဲရှိတာမို့ သူတို့ဖေါက်လာရင် ဆရာ၊ဆရာမတစ်ဦးက
သီးသန့်ထိန်းရပါတော့တယ်။ မရတော့ရင်မိဘကိုဖုန်းဆက်ပြီးလာအခေါ်ခိုင်းရတာပါဘဲ။
ဒီကောင်တစ်ချို့ဖေါက်လာပြီးပြောမရတော့ရင် ကျွန်တော်ကတော့လက်အတော်ယားပါတယ်။
ကျွန်တော်တို့ဆီမှာဆိုရင် ၀ါးခြမ်းပြားစာတော့ကျွေးသင့်နေပြီပေါ့။


                       ကျွန်တော်နဲ့အကြီးတန်းကကျွန်တော့်ဆရာများ

သင်ကြားမှုတစ်ချို့

၃နှစ်မှစလို့အရောင်အခေါ်အဝေါ်များကိုသင်ကြားပါပြီ။ ခလေးတွေကိုစာသင်ချိန်ဆိုပြီးသီးသန့်
ထားမနေပါဘူး။ ကစားရင်းနဲ့အလျဉ်းသင့်သလိုသင်ပြသွားတာပါ။
သူတို့အတွက်ကိုယ်ပိုင်ရေသောက်ခွက်ရောင်စုံလေးတွေထားပေးပါတယ်။
သူတို့ကြိုက်တဲ့ခွက်မှာ သူတို့နံမည်ကိုရေးထိုးပေးထားပြီး ကိုယ့်ခွက်နဲ့ကိုယ်ဘဲသောက်ရမယ်
လို့စည်းကမ်းသတ်မှတ်ပေးထားပါတယ်။

အားလုံးလိုက်နာကြပါတယ်။ သူတို့ဘာသာရှာလို့မရတော့ရင်ဆရာကိုအကူအညီတောင်းနိုင်
ပါတယ်။ ဆရာကဘာအရောင်လဲလို့အရင်မေးပါလိမ့်မယ်။ အရောင်ကိုတော့မှန်အောင်သူတို့
ပြောနိုင်ကြပါပြီ။ ဆရာကရေခွက်တင်တဲ့ခုံပေါ်မှာတွေ့ပြီဆိုရင်ချက်ချင်းယူမပေးပါဘူး။
သူ့တို့ကိုဘဲသေသေချာချာပြန်ရှာခိုင်းပါတယ်။ ဒီလိုနဲ့သူတို့အဓိကကျတဲ့အရောင်တွေနဲ့နံမည်
စာလုံးပေါင်းတွေကိုမျက်စိယဉ်သွားကြပြီး အလတ်တန်းလောက်ဆိုနံမည်ရေးတတ်နေကြပါပြီ။

ဒီနိုင်ငံမှာစနစ်ကျတဲ့အိမ်အမှိုက်စွန့်စနစ်ရှိပါတယ်။ အိမ်တိုင်းကိုအပြင်မှာအမှိုက်ပုံးကြီး၂ပုံးထားပေးပါတယ်။
ဒါကြောင့်ကျွန်တော်တို့တတွေအိမ်တွင်းမီးဖိုချောင်မှာအမှိုက်အိတ်၂လုံးခွဲထားကြရပါတယ်။
သားငါးသစ်သီးဝလံစားကြွင်းစားကျန်နဲ့စက္ကူ ၊နံကာချပ်များကိုသတ်သတ်ခွဲပစ်ပေးရပါတယ်။
ကျန်အမှိုက်တွေကိုတော့တအိတ်သတ်သတ်ထားပေးရတာပေါ့။ Recycling လုပ်မှာကြောင့်ပါ။
ဒါကြောင့် ၃နှစ်နဲ့အထက်တွေအစာစားချိန်တိုင်း သူတို့စားပွဲပေါ်မှာအမှိုက်ခွက်၂လုံးတင်ပေးထားရပါတယ်။
သူတို့ဘယ်တော့မှမှားမပစ်ပါဘူး။ စည်းကမ်းဆိုတာအများကောင်းဖို့မဖြစ်မနေလိုက်နာရမယ်ဆိုတာ
သူတို့စိတ်ထဲမှာစွဲစေပါတယ်။

ဒီလိုကောင်းတဲ့အဆုံးအမတွေနဲ့ကြီးပြင်းလာတဲ့ခလေးဟာ ကြီးလာလို့ကားမောင်းတဲ့အခါယာဉ်စည်းကမ်းဖေါက်ပြီး
လမ်းဘေးမှာကားမရပ်တော့ပါဘူး။ ဒီနိုင်ငံမှာရှက်စရာအကောင်းဆုံးတစ်ခုကစည်းကမ်းဖေါက်ခြင်းပါဘဲ။
စည်းကမ်းဖေါက်ခြင်းကိုဥပဒေအရသာမကလူမှုရေးအရပါခွင့်မပြုတာတွေ့ရပါတယ်။

အကြီးတန်းသမားတွေကိုတော့ သီးသန့်ဘာသာပြဆရာက ကကြီးခကွေးကောင်းကောင်းရေးတတ်
ဖတ်တတ်အောင် တစ်ဦးချင်းတစ်ပါတ်မှာ ၂ကြိမ်သင်ပေးပါတယ်။
သူတို့ကနဲနဲအရေးကြီးတယ်လေ။ ၆နှစ်ပြည့်ရင်ပြည်သူ့ကျောင်းကြီးမှာသူငယ်တန်းဝင်ရတော့မှာကိုး။


                       ဒင်နီရယ်က ဇ လေးနဲ့ပါ၊ ကောင်မလေးကိုရေခွက်ရှာပေးနေတာလေ

ပြင်ပလေ့လာရေးခရီး

မကြာခဏလဲခလေးတွေကို ပြင်ပလေ့လာရေးခရီးတွေပို့ပေးလေ့ရှိပါတယ်။
စီးလုံးဌားဘတ်(စ်)ကားရှည်ကြီးနဲ့သွားကြတဲ့ခရီးစဉ်တွေစီစဉ်ပေးသလို ပြည်သူ့ပို့ဆောင်ရေးမီးရထား၊
ဘတ်(စ်)ကားတွေနဲ့လဲသွားကြရတဲ့ခရီးစဉ်တွေရှိပါတယ်။ ဒါကြောင့်ဒိန်းမတ်နိုင်ငံရဲ့ပြည်သူ့ပို့ဆောင်ရေးယာဉ်
တွေပေါ်မှာခလေးတစ်အုပ်ကြီးပျော်နေတာကိုမကြာခဏတွေ့ကြရမှာဘဲဖြစ်ပါတော့တယ်။
ခလေးအားလုံးစည်းကမ်းတကျနဲ့အများပြည်သူတွေနဲ့အတူခရီးသွားကြတာပါ။

လမ်းလျောက်ရမယ့်နေရာတွေမှာသူတို့၂ယောက်စီလက်တွဲပြီးလျောက်ကြရပါတယ်။
လက်တွဲဖေါ်ကို ခရီးမစခင်မှာသတ်မှတ်ပေးရပြီးဆရာ၊ ဆရာမကရှေ့နဲ့နောက်ဆုံးကနေလိုက်ရပါတယ်။
၁၀မိနစ်ကျော်လမ်းလျောက်ကြပြီဆိုရင်တော့ပြသနာနဲနဲရှိလာပါပြီ။
ဖရက်ဒရစ်လူဆိုးကသူ့လက်တွဲဖေါ်ကောင်မလေး အီဒါရဲ့လက်ကိုအားထဲ့ညှစ်နေတာမျိုး
လူနောက် အိုလာကကောင်မလေးမီလာရဲ့ခြေထောက်ကိုလိုက်နင်းနေတာမျိုးတွေဖြစ်လာရင်တော့
တန်းခဏရပ်ပြီး နဲနဲဆုံးမလို့လက်တွဲဖေါ်ပြောင်းပေးရပါတယ်။

"ဟ.ဟ ဒါတွေကဘယ်လိုတွေတုန်းဟ" ပြီးခဲ့တဲ့အပတ်က ဘုန်းဘုန်းရွှေည၀ါဆရာတော်ဘုရားဒိန်းမတ်နိုင်ငံကို
ဓမ္မဒူတခရီးကြွစဉ် Hillerod မြို့မှာ ၁၆ရာစုကထဲကတည်ဆောက်ထားခဲ့ကြတဲ့ Frederiksborg Castle  
ကြီးကိုလိုက်ပြစဉ် ခလေးတန်းကြီးကိုမြင်လိုက်ရတာကြောင့် မေးခွန်းထုတ်လိုက်တာဘဲဖြစ်ပါတော့တယ်။
"မူကြိုကျောင်းကခလေးတွေကို သမိုင်းအမွေအနှစ်တွေဘယ်လိုထိန်းသိမ်းထားတယ်ဆိုတာလေ့လာရေးခရီး
ကျောင်းကလိုက်ပို့တာပါဘုရား" ပါလာတဲ့ယာယီကပ္ပိယ စိုင်းထူးကလျောက်ထားလိုက်တဲ့အခါ
"ဒို့ဆီမှာတော့ဒီလိုမျိုးက ဘဲတွေကျောင်းတာဘဲတွေ့ဘူးတယ်ကွ၊ သူတို့ကခလေးတွေကိုလူတွေလိုဂရုစိုက်ကြတာကိုး"
လို့မိန့်ပါတယ်။ လွန်ခဲ့တဲ့နှစ်ပေါင်း၅ရာကျော်ကရဲတိုက်ကြီးကို ဘုရင်လက်ရှိနေသလိုမျိုးထိန်းသိမ်းထားကြတာဘဲဖြစ်ပါတယ်။


                  ခေတ်ဟောင်းဥယာဉ်သွားစဉ် ပင်လယ်ဓါးပြပုံပြင်ပြောပြနေတာ

ကျောင်းကြီးနဲ့လဲမစိမ်းရအောင်

မူကြိုအကြီးတန်းကခလေးတွေကို ၆နှစ်ပြည့်ရင်သူတို့ဆက်တက်ရမဲ့ကျောင်းကြီးကိုတစ်ပါတ်မှာ၂ခေါက်
အလည်လိုက်ပို့ပေးပြီးကစားစေပါတယ်။ ကျောင်းကြီးကကောင်တွေကလဲဒီမူကြိုကျောင်းထွက်တွေဘဲ
များတာမို့သူတို့ချင်းရင်းနှီးကြပြီးသားပါ။
၆နှစ်ပြည့်လို့စာသင်နှစ်ဆုံးချိန်မှာတော့ သူတို့ကိုကျကျနနပလပ်စတစ်လောင်းထားတဲ့မူကြိုဒီပလိုမာ
အောင်လက်မှတ်နဲ့အတူ သူတို့မူကြို မှာ၅နှစ်ဝန်းကျင်နေခဲ့စဉ်ကရေးဆွဲခဲ့တဲ့ပန်းချီကား၊ လူတဘက်သား
ကိုအကောင်းဆုံးပေးခဲ့တဲ့ကူညီမှုမှတ်တမ်းစတာတွေပါတဲ့ ဖိုင်တွဲကိုအပ်နှင်းခြင်းခံရပါပြီ။

ကျွန်တော့်ချစ်ဇနီးငယ်ငယ်ကလို ကျောင်းအပ်လို့ငို အဘကပြန်ခေါ်လာ ၇နှစ်မှကျောင်းပြန်အပ်၊
ဆိုတာမျိုးတွေမဖြစ်တော့ဘဲ ကျွန်တော့်ဆရာ၆နှစ်ပြည့်တွေကတော့မူလတန်းကျောင်းတော်ကြီးကို                         
တက်ရောက်ခွင့်ရကြတော့မှာမို့တက်ကြွတဲ့ကြက်ဖတွေဖြစ်နေကြတာကိုမြင်ရမှာဘဲဖြစ်ပါတော့တယ်။

အားလုံးအတူတူ

ကျွန်တော်တို့မူကြိုကျောင်းလေးမှာစုစုပေါင်းကျောင်းသားခြောက်ဆယ်ကျော်ရှိပါတယ်။
အားလုံးအတူတူညီမျှတဲ့စောင့်ရှောက်မှုကိုရကြပါတယ်။ မိဘတွေကလဲကာယလုပ်သား၊
ဥာဏလုပ်သားသာကွဲမယ် ၀င်ငွေတွေပြောပလောက်အောင်မကွာခြားကြပါဘူး။
ဒါကြောင့်ဂုဏ်တုဂုဏ်ပြိုင်ဆိုတာဒီနိုင်ငံမှာမရှိပါဘူး။ လူကြီးတွေကလဲဘာစိန်တွေရွှေတွေ
မှဝတ်မနေပါဘူး။ ခလေးတွေကိုလဲလိုအပ်တဲ့အသုံးအဆောင်ကလွဲရင်ဘာမှဆင်ပေးမနေပါဘူး။

မရောင်ရာဆီမလူးတဲ့နိုင်ငံပါ။ နိုင်ငံကိုအုပ်ချုပ်နေတဲ့ သာမန်ပြည်သူထဲကဘဲလာတဲ့နိုင်ငံရေးသမား၊
အုပ်ချုပ်သူတွေကလဲ နိုင်ငံတိုးတက်သည်ထက်တိုးတက်အောင် ပြည်သူတွေအဆင်ပြေသည်ထက်
ပြေအောင် ဘာတွေပြုပြင်ရင်ကောင်းမလဲဆိုတာတွေဘဲ လွှတ်တော်မှာအမြဲဆွေးနွေးနေကြပါတယ်။

အချုပ်ပြောရရင်ဖြင့် ကျွန်တော်တို့ထက်သယံဇာတထူးမထွက်တဲ့နိုင်ငံပါ။
ရာသီဥတုတောင်ကျွန်တော်တို့ထက်ကြမ်းတယ်ပြောရပါ့မယ်။ သိပ်မဝေးသေးတဲ့ကာလတုန်းက
အအေးဒဏ်ခံနိုင်ဖို့ မြင်းတွေနွားတွေနဲ့အတူအိပ်ခဲ့ကြရတဲ့နိုင်ငံပါ။
အခုတော့ပြည်သူတွေဝိုင်းဝန်းစိုက်ပျိုးခဲ့ကြတာတွေကို ၀ိုင်းဝန်းလို့ဘဲရိတ်သိမ်းနေနိုင်ကြပါပြီ။

ကျွန်တော်တို့နိုင်ငံမှာလဲခေတ်မမှီတော့တဲ့ အိုးရွှဲ့ကိုစားလောင်းရွှဲ့နဲ့ဖုံးတဲ့ဇာတ်လမ်းတွေခ၀ါချလို့
နိုင်ငံတော်အနာဂတ်ကောင်းရလေအောင် အနာဂတ်ရဲ့ရင်သွေးငယ်တွေကိုလဲပြုစုပျိုးထောင်လို့
ဒီမိုကရေစီနိုင်ငံတော်သစ်ကိုမှန်းမျှော်ရည်ရင်း ဒိန်းမတ်နိုင်ငံရဲ့ ခလေးသူငယ်စောင့်ရှောက်မှု
တစိတ်တဒေသကိုတင်ပြလိုက်ရကြောင်းပါခင်ဗျား။

မင်းမော်လှမြင့်(YSO,PKU)
စာပြီးချိန်။        ။ ၃၁၊၈၊၂၀၁၄(၁၄:၁၅)

(ဓါတ်ပုံမှတ်စု)



                   အလည်လာကြသော ၃နှစ်အောက်ခလေးများမိတ်ဆုံစားပွဲ


                      သိချင်းဆို၊ ကဗျာရွတ်ကာကစားခြင်း


                     စက်ဘီးစီးရတာအလွန်ကြိုက်တဲ့ခလေးတွေ


                            ဂျီသြမေတြီကစားစရာ


                                   အိပ်နေတာဘဲကောင်းပါတယ်


                          အေးရာအေးကြောင်းမူကြိုစာဂျပိုးအတွက်စာဖတ်ခန်း


                                    ကျွန်တော့်ဆရာမျောက်၎ကောင်

Folic acid ဖေါလစ်-အက်စစ်

(၁) ကျမက အသက် ၃၃ နှစ်ရှိပါပြီ။ လက်ထပ်တာ ၅ နှစ်ရှိပါပြီ။ ၂ ယောက်လုံးက နိုင်ငံခြားမှာ ကျောင်းတက် အလုပ်လုပ်ကြပြီးနေတဲ့သူတွေဆိုတော့ ကလေးယူရတာ အဆင်မပြေသေးလို့ အစပိုင်းမှာ မယူဖြစ်သေးတာပါ။ ဒီနှစ်ထဲတော့ ကလေးယူမယ်ဆုံးဖြတ်ထားပါတယ်။ ဖော့လစ်အက်ဆစ် ဆေးကို အခုအချိန်မှာ သောက်ရမှာပါလား သိချင်ပါတယ်။
(၂) Folic Acid က နေ့စဉ် သောက်လို့ ရပါသလားဆရာ။
(၃) Folic Acid ကို နေ့စဉ် မှန်မှန်သောက်သွားရင် Side Effect ရှိတယ် ပြောကြတယ်ဆရာ။ အဲ့ဒါဟုတ်ပါသလား။ တစ်ချို့က အိမ်ထောင်ကျပြီးတဲ့သူတွေပဲ သောက်ရတာလို့ ပြောပါတယ်။ ကောင်းကျိုးအနေနဲ့ ဘာဖြစ်နိုင်တယ်၊ ဆိုးကျိုး ဘာရှိတယ်ဆိုတာ ရှင်းပြပါလား။

• Folic acid (ဖေါလစ်-အက်စစ်) ဆိုတာ ဗီတာမင် (ဘီ) အုပ်စုဝင်ဆေး ဖြစ်တယ်။ Vitamin B9, Vitamin Bc, Folacin နဲ့ Folate လို့လဲ ခေါ်တယ်။
• သွေးနီဥ နဲ့ DNA ခေါ်တဲ့ မျိုးဗီဇ တည်ဆာက်ဘို့ (ဖေါလစ်-အက်စစ်) လိုတယ်။ ဦးနှောက်-အာရုံကြောတွေ အတွက်လဲ အသုံးဝင်တယ်။
• (ဖေါလစ်-အက်စစ်) နည်းတဲ့ သွေးအားနည်းတာနဲ့ သံဓါတ်နည်း-သွေးအားနည်းရောဂါတွေ ဖြစ်နေသူဟာ မောပန်းနေမယ်။ အားယုတ်နေမယ်။ အစာခြေတာ မကောင်းလို့ ဝမ်းပျက်တတ်တယ်။ စားချင်စိတ် နည်းနေမယ်။ ကိုယ်အလေးချိန် ကျမယ်။ လျှာနာမယ်။ ခေါင်းကိုက်မယ်။ ရင်တုန်မယ်။ သတိမေ့တတ်ပြီး အမူအယာပါ ပြောင်းလာတတ်တယ်။
• ယေဘုယျဆိုရင် တနေ့မှာ 0.5-1.0 mg/daily စားဆေး-ထိုးဆေးအဖြစ်ပေးတယ်။
• ကိုယ်ဝန်ဆောင်ချိန်မှာ နည်းနေရင် အထဲကကလေး ဦးနှောက်ဖြစ်ပေါ်တာကို အားနည်းစေမယ်။ Spina bifida ခေါ်တဲ့ ခါးရိုးဆစ်ကနေ မွေးကတည်းက အနာလိုဖြစ်နေတာမျိုးကို တားဆီးနိုင်တယ်။ ကိုယ်ဝန် ပဌမ ၃ လ အတွင်း Folic acid 400 (mcg) လိုအပ်တယ်။ ကလေးပျက်ကျမှာကိုလည်း တာဆီးပေးမယ်။ မွေးပြီး ကလေး နို့တိုက်ချိန် ဆိုပါစို့ ၆ လ အထိ သောက်သင့်တယ်။ အထဲကကလေးမှာ NTD ဆိုတာရှိနေတာကို ဆရာဝန်က သိရင် ဆေးကိုများများပေးလိမ့်မယ်။
• ကိုယ်ဝန်ဆောင်တွေ 1000 (UL) က လိုပြီး၊ ကလေးတွေ 150-800 (IU) နဲ့ လူကြီးတွေ 400 (UL) လိုနိုင်တယ်။
• Folic acid ကို အဝလွန်သူတွေ အဆီချဘို့အတွက်လည်းသုံးတယ်။ Type 2 Diabetes ဆီးချိုကိုလဲ ပေးတယ်။
• Depression စိတ်ကျနေသူတွေကိုလဲ ပေးနိုင်တယ်။ Schizophrenia စိတ်ရောဂါရှိသူ၊ Memory and mental agility သတိမေ့တတ်သူတွေကိုလဲ ပေးတယ်။
• Allergic diseases (အလာဂျီ) အတွက်လဲ သုံးတယ်။
• Fertility ကလေးမရနိုင်တဲ့အတွဲတွေ ယောက်ျားရော မိန်းမကိုပါ ပေးမယ်။
• Renal disease ကျောက်ကပ်ရောဂါ၊ Bone health အရိုးရောဂါ၊ Rheumatoid arthritis လေးဘက်နာသူတွေကိုလဲ ပေးတယ်။
• Menopause သွေးဆုံးချိန်မှာလဲ အသုံးကျတယ်။
• Antifolate ဆိုတာ ကင်ဆာ (ဆဲလ်) တွေ အပွါးမြန်တာကို တားဆီးဘို့ သုံးနိုင်တဲ့ဆေး ဖြစ်တယ်။ Methotrexate ခေါ်တယ်။ ဆေးက အလွန်ပြင်းတယ်။
• အားနည်ချက်တွေလဲ သိဘို့လိုတယ်။ Folic acid ဆေးပေးလို့ B12 deficiency ဗီတာမင် ဘီ ၁၂ နည်းတာကို ဖုံးနေစေတတ်တယ်။ Folic acid ဆေးပေးတာများရင် ငှက်ဖျားဆေးပေးတာကို သက်ရောက်စေတယ်။ ငှက်ဖျားဖြစ်ရာနေရာက ၅ နှစ်အောက် ကလေးတွေပေးလို့ (သံဓါတ်+ဖေါလစ်အက်စစ်) အားဆေးပေးတာ အသေအပျောက် ပိုများတာတွေ့ရတယ်။
• ပဲနဲ့ အစိမ်းရောင် ဟင်းသီးဟင်းရွက်တွေထဲမှာ ပါနေတယ်။ လိမ်မော်သီးတလုံး = 54mcg; ကြက်ဥပြုတ်တလုံး = 22mcg; သင်္ဘောသီး အလတ်စားတလုံး = 115mcg; ပဲပြုတ် တခွက် = 280 mcg; ဟင်းနုနွယ်ရွက် တခွက် = 260 mcg; ထမင်းဖြူ 3/4 cup = 60mcg; ခရမ်းချဉ်သီးရည် 1 cup = 50mcg; ခေါက်ဆွဲပြုတ် 1 cup = 160mcg ပါတယ်။
• သတိထားဘို့က အစာထဲက (ဖေါလစ်-အက်စစ်) ကို မပျက်စီးအောင် နူးနပ်သွားအောင် မချက်ပြုတ်သင့်ဘူး။

"အသီးအရွက် စားတာကနေ ကင်ဆာကို ကာကွယ်နိုင်တယ်ဆိုတာဟာ လိုတာထက် ပိုပြောနေတယ်" လို့လဲ နောက် လေ့လာမှုတွေက ထောက်ပြလာတယ်။ (ဖေါလစ်-အက်စစ်) က ရင်သား-ကင်ဆာ နဲ့ အူမကြီး-ကင်ဆာတွေအတွက် ကောင်းတယ်လို့ အဲဒီသုတေသနက ဆိုလာတယ်။

Dr. တင့်ဆွေ
၁ဝ-၄-၂ဝ၁၄။

တရားအားထုတ်စဉ် ထားရှိရမည့် သဘောထားများ

တရားအားထုတ်စဉ် အရေးကြီးဆုံးက သဘောထား မှန်ဖို့

♦ စိုက်မရှုနဲ့၊ ထိန်းမရှုနဲ့၊ လုပ်မရှုနဲ့၊ ချုပ်မရှုနဲ့။

♦ ဖြစ်အောင်လည်းမလုပ်နဲ့၊ ပျက်အောင်လည်းမလုပ်နဲ့။

♦ ဖြစ်အောင်လုပ်ရင် လောဘ၊ ပျက်အောင်လုပ်ရင် ဒေါသ၊ ဖြစ်တိုင်းပျက်တိုင်း
မသိရင် မောဟ။

♦ ရှုမှတ်စိတ်မှာ လောဘ၊ ဒေါသ၊ သောက မပါမှ ရှုမှတ်စိတ် ဖြစ်မယ်။

♦ ဘယ်လိုသဘောထားနဲ့ အားထုတ်နေလဲလို့ ပြန်စစ်ဆေးကြည့်ရမယ်။

♦ ကောင်းတာလည်း ရှုရမှာပဲ၊ ဆိုးတာလည်းရှုရမှာပဲ။

♦ ကောင်းတာမှ လိုချင်တယ်၊ မကောင်းတာဆို နည်းနည်းမှ မလိုချင်ဘူးဆိုရင်
တရားပါ့မလား။

♦ မျှော်လင့်ချက် မပါစေနဲ့၊ လိုချင်တာ မပါစေနဲ့။ ကြောင့်ကြစိတ် မပါစေနဲ့။
ဒီသဘောထားတွေ ရှုစိတ်ထဲ ရှိနေရင် တရားအားထုတ်လို့ အဆင်မပြေနိုင်ဘူး။

♦ ဘာဖြစ်လို့ ဒီလောက်စိုက်ပြီး ရှုနေတာလဲ။
ဖြစ်ချင်လို့၊ လိုချင်လို့၊ ပျောက်ချင်လို့..တစ်ခုခုဖြစ်နေတတ်တယ်။

♦ စိတ်က ပင်ပန်းဆင်းရဲနေရင် တရားအားထုတ်တာ တစ်ခုခုလိုနေပြီ။

♦ စိတ်တင်းကျပ်မှုနဲ့ တရားအားမထုတ်နိုင်။

♦ စိတ်နဲ့ကိုယ် ပင်ပန်းဆင်းရဲလာရင် တရားအားထုတ်တာကို ပြန်စစ်ဆေးကြည့်
သင့်တယ်။ မှန်ကန်တဲ့သဘောထားမျိုး ရှိရဲ့လား။

♦ လိုချင်တဲ့စိတ်၊ ဖြစ်ချင်တဲ့စိတ်နဲ့တော့ အားမထုတ်နဲ့။ ပင်ပန်းတာပဲ အဖတ်တင်
မယ်။

♦ တရား အားထုတ်မယ့် စိတ်က အေးအေးဆေးဆေးနဲ့ ငြိမ်းငြိမ်းချမ်းချမ်းရှိရမယ်။

♦ စိတ်ရော ကိုယ်ရော သက်တော့သက်သာရှိရမယ်။

♦ လွပ်လပ်ပေါ့ပါးတဲ့စိတ်နဲ့မှ တရားအားထုတ်လို့ရမယ်။

♦ တရားအားထုတ်တယ်ဆိုတာ ကောင်းကောင်း၊ ဆိုးဆိုး ဘာလာလာ လက်ခံ
ပြီး အေးအေးဆေးဆေးနဲ့ ကြည့်နေတာပဲ။

♦ စိတ်က ဘာလုပ်လုပ်နေလဲ။ တွေးနေသလား၊ သိနေသလား။

♦ စိတ်က ဘယ်ရောက်နေလဲ။ အတွင်းမှာလား၊ အပြင်မှာလား။

♦ သိနေတဲ့စိတ်၊ ရှုနေတဲ့စိတ်က သေချာသိလား၊ အပေါ်ယံသိလား။

♦ ဖြစ်ချင်တဲ့ပုံစံမျိုးဖြစ်အောင် လုပ်နေတာမဟုတ်ဘူး။ ဖြစ်နေတာကို ဖြစ်နေတဲ့
အတိုင်း သိအောင်လုပ်နေတာ။

♦ အတွေးကို ပြဿနာမရှာနဲ့။ မတွေးအောင်လုပ်နေတာ မဟုတ်ဘူး။ တွေးရင်
တွေးမှန်းသိအောင် လုပ်နေတာ။

♦ အာရုံကို ပယ်ရမှာမဟုတ်ဘူး။ အာရုံကြောင့်ဖြစ်တဲ့ ကိလေသာကိုသိပြီး
(ရှုမှတ်ပြီး) ပယ်ရမှာ။

♦ သဒ္ဓါရှိမှ ဝီရိယရှိမယ်။ ဝီရိယရှိမှ သတိမြဲမယ်။ သတိမြဲမှ သမာဓိတည်မယ်။
သမာဓိတည်မှ အမှန်အတိုင်း သိမယ်။ အမှန်အတိုင်း သိလာတော့ သဒ္ဓါပိုဖြစ်
လာတယ်။

♦ ပစ္စုပ္ပန်တည့်တည့်ကိုသာ သတိထားနေရမယ်။ အတိတ်ကိုလည်း မပြန်နဲ့။
အနာဂတ်ကိုလည်း မကြံနဲ့။

♦ အာရုံက အရေးမကြီးဘူး။ အနောက်က အလုပ်လုပ်နေတဲ့စိတ်၊ ရှုမှတ်နေတဲ့
စိတ်က ပိုအရေးကြီးတယ်။ ရှုမှတ်စိတ်သာ သဘောထားမှန်ရင် အာရုံအမှန်ရမှာ
ပဲ။

အရှင်တေဇနိယ(ရွှေဥမင်)
Buddhavasa Tiloka။