အခွန်မှန်ကန်စွာဆောင်တဲ့ဒိန်းမတ်လုပ်ငန်းရှင်တွေ။

ကျွန်တော်တို့ ဒိန်းမတ်စရောက်တဲ့နေ့မှာဘဲ ဟင်းချက်စရာဝယ်ဖို့
ရောက်တဲ့ "နက်တိုး" ဈေးဆိုင်အကြောင်းပါ။
တိုက်တိုက်ဆိုင်ဆိုင် ဆိုင်နံမည်ကလည်း "နက်တိုး" logo ကလည်း
ခွေးပုံနဲ့ဆိုတော့ ဒီနိုင်ငံကလည်း ငါတို့နိုင်ငံကခွေးနံမည်ကိုခိုးချထား
တာပါလားလို့ ပြောမိကြပါသေးတယ်။

ဒိန်းမတ်မိတ်ဆွေတစ်ယောက်ကို "မင်းတို့ .. နက်တိုးလို့ ခွေးတွေကို
နံမည်ပေးကြလားကွ" မေးဖြစ်ပါတယ်။
သူကမပေးကြကြောင်းနဲ့ Netto ဆိုတာကုန်ပစ္စည်းတွေရဲ့ထုတ်ပိုးခကို
ထည့်မတွက်ဘဲ ပစ္စည်းရဲ့အမှန်အလေးချိန်ရဲ့ ဈေးနှုန်းကိုဘဲယူတယ်
ဆိုတဲ့အဓိပ္ပာယ်နဲ့ပေးထားကြောင်းရှင်းပြပါတယ်။

ဒိန်းမတ်မှာတော့အိမ်ရှင်မတိုင်းဈေးဝယ်ရောက်ကြတဲ့ဆိုင်လည်းဖြစ်ပါတယ်။
အထူးသဖြင့် ဟင်းချက်စရာတွေ ဈေးချိုတတ်ပါတယ်။
ထုံးစံအတိုင်း တစ်ခြားထက်ဈေးတင်ထားတဲ့ပစ္စည်းတွေလည်းရှိပါတယ်။
ဒိန်းမတ်နိုင်ငံ Maersk(Mærsk) group ကပိုင်ပြီး တစ်နိုင်ငံလုံးမှာဆိုင်ခွဲ
400 ကျော်ရှိပါတယ်။ ဂျာမဏီ၊ ပိုလန် နဲ့ ဆွီဒင်တို့မှာလည်းဆိုင်ခွဲတွေဖွင့်ထားပါတယ်။

အခွန်မှန်ကန်စွာဆောင်တဲ့ လုပ်ငန်းရှင်သူဌေးကြီးတွေကြောင့်
သူတို့စီးပွါးရေးအောင်မြင်တာနဲ့အမျှ နိုင်ငံတော်မှာလည်းအကျိုးရှိတော့
တစ်ဆက်ထဲ ပြည်သူမှာလည်းအကျိုးရကြောင်းပါခင်ဗျား။

မင်းမော်လှမြင့်(YSO,PKU)

 

မြန်မာစာ နှင့် အများ မှားသော ၊ အမှား များ

နေ့လယ်မှာချာချာလည်

မကြာသေးတဲ့ အချိန်တစ်ခု က အမ အရင်းလိုခင်ရတဲ့တစ်ယောက်က "နေ့လည် နဲ့ နေ့လယ်" ဘယ်ဟာအမှန်လည်း ဆိုပြီး မေးတာကြုံရတယ်။ သူကတော့ နေ့လည်ဟာ အမှန်ပဲ ဆိုပြီး မုန့်ကျွေးကြေးသူငယ်ချင်းနဲ့
လောင်းခဲ့တယ်တဲ့။ကျွန်တော် သိလိုက်ပါတယ် အမ ရှုံးပီဆိုတာ။ တကယ်တော့ သူ အမှတ်မှားမယ်ဆိုလည်းမှားစရာပါ။ အခု အနီးနားမှာ ရှိတဲ့ မင်္ဂလာဖိတ်စာ တစ်စောင်ကို လှန်ကြည့်လိုက်ပါ။ နေ့လယ် ခင်းမှာကျင်းပတဲ့ မင်္ဂလာပွဲတွေမှာဆို နေ့လည် လို့ ရေးထားသလား နေ့လယ် လို့ ရေးထားသလား ဆိုတာ။နေ့လည် လို့ ပဲရေးထားတာကို တွေ့ရပါလိမ့်မယ်။တကယ်တော့ အမှားက မြင်ပါများတော့ အမှန် ထင်နေကြတာပါ။

ညသတ် နဲ့ "လည်" တဲ့ လည်က လည်ပတ်သည်၊ လည်ကုပ် စတဲ့ နေရာတွေမှာ သုံးတာပါ။"လယ်"ဆိုတာက အလယ်ခေါင် ၊ တစ်စုံတစ်ခုရဲ့ အလယ်ကို ဆိုလိုတာပါ။ ဒါကြောင့် "နေ့လယ်"ဆိုတာ နေ့တစ်နေ့ ရဲ့
အလယ် လို့ ဆိုလိုရင်းဖြစ်ပါတယ်။ ဒါမှမဟုတ်ပဲ "နေ့လည်" လို့ ဆိုလိုက်တဲ့ အခါလည်ပတ်နေတဲ့ နေ့လားနေ့တစ်နေ့ ရဲ့ လည်ပတ်ချိန်ကိုဆိုလိုတာလား စတဲ့ လွဲမှားတဲ့ အဓိပ္ပါယ် ထွက်ပါတယ်။ အဓိပ္ပါယ် အထွက်မှားနေတယ်ပဲ ထားအုံး ဖတ်တဲ့ သူက ဆိုလိုရင်းသိရင်ပီးတာပဲ မဟုတ်လားလို့စောဒက တက်စရာရှိပါတယ်။မှန်ပါတယ်။ သို့သော် မြန်မာစာ လုံးပေါင်းသတ်ပုံ စည်းကမ်းကို ဖောက်ဖျက်သွေဖည်ရာကျပါတယ်။ယနေ့ခေတ် မြန်မာ လူငယ်တော်တော်များများဟာ အင်္ဂလိပ်စာ ရေးရင်စပယ်လင်(spelling)မှားမှာကို ဂရုစိုက်သလောက် မြန်မာစာ စားလုံးပေါင်းမှားမှာ ကိုတော့ ဂရုမစိုက်ကြပါဘူး။

ရောရောထွေးထွေး ဖြစ် "တ" နဲ့ "တစ်"

"တ" နဲ့ "တစ်" ကိုအချို့တွေ ရောထွေးသုံးနေတာကို တွေ့ရပါတယ်။ တစ်ခါတလေ ဂျာနယ်တွေမှာပါ တွေ့ရပါတယ်။ဒါဟာ အလွယ်ရေးရင် အလွယ်လေးပါပဲ။ကိန်းဂဏန်း အဓိပ္ပါယ် သက်ရောက်လျှင် "တစ်"လို့သုံးပြီး၊
ကိန်းဂဏန်းသဘောမသက်ရောက်လျှင် "တ" လို့ သုံးပါတယ်။ဥပမာ- တစ်ကိုယ်တည်း ၊ တစ်ယောက်တစ်ပြန်စတာတွေ ဟာ ကိန်းဂဏန်း သဘောပါတဲ့ အတွက် "တစ်" လို့ သုံးပါတယ်။ ကိန်းဂဏန်းသဘော မပါတဲ့ဟာတွေကြတော့ ဘာတွေလဲဆိုရင်-တပင်တပန်း -တလှုပ်လှုပ်-တရင်းတနှီး စတာတွေဟာ ကိန်းဂဏန်းသဘောမပါတဲ့အတွက် "တ" နဲ့ သုံးရပါတယ်။ "တ"ရော "တစ်" ရော နှစ်ခုစလုံးသုံးရတဲ့စကားလုံးအချို့လည်းရှိပါတယ်။ဥပမာ- တစ်ခါတလေ ၊ တစ်ခုတလေ ။သတိပြုမှတ်သားပြီး ကွဲကွဲပြားပြား ရေးနိုင်ကြပါစေ။

အမှုမဲ့အမှတ်မဲ့ မပျောက်ပျက်အောင်

မြန်မာစာ အသုံးအနှုန်းတွေ နဲ့ ပတ်သတ်ပြီးတော့ နိုင်ငံတော်ကောင်စီလက်ထက်မှာ အမိန့်တစ်ခု ချမှတ်ခဲ့ဖူးပါတယ်။ခုနှစ်သက္ကရာဇ်ကိုဖော်ပြရာမှာ ၀(သုည) ဖြင့် ဆုံးတဲ့ နှစ်တွေကို "ပြည့်နှစ်" လို့ သုံးရန်၊သုညဖြင့်မဆုံးတဲ့ နှစ်တွေကို "ခုနှစ်" လို့သုံးရန် ဆိုသည့် သတ်မှတ်ချက်ကိုထိုအမိန့်တွင် တွေ့ရပါသည်။ထိုသတ်မှတ်ချက်အရ မြန်မာသက္ကရာဇ် ဆိုလျှင် ၀(သုည) နဲ့ ဆုံးသော(၁၅၃၀)ကို ၁၅၃၀ ပြည့်နှစ် လို့သုံးပြီး ၀(သုည) နဲ့ မဆုံးတဲ(့ ၁၃၁၂)ကို ၁၃၁၂ ခုနှစ်လို့ဖော်ပြရမှာ ဖြစ်ပါတယ်။မြန်မာစာလုံးအသုံးအနှုန်း
မှန်ကန်ရေးအတွက် နိုင်ငံတော်က အမိန့်ထုတ်ပြန်သတ်မှတ်ပေးရသည့် သာဓက ကို ဖော်ပြတာဖြစ်ပါတယ်။

အထက်ဖော်ပြပါ အကြောင်းအရာလိုပဲ မြန်မာစာမှာ ကိန်းဂဏန်းတွေကို ဖော်ပြသည့် အခြားအသုံးအနှုန်း
များတွင်လည်း ၀(သုည) နဲ့ ဆုံးသော ကိန်း နှင့် ၀(သုည) နဲ့ မဆုံးသော ကိန်း ဆိုပြီး ခွဲခြားသုံးရပါတယ်။၂၀၊ ၅၀ ၊ ၄၀၀ ၊ ၈၀၀ စသည်ဖြင့် သုည ဖြင့် ဆုံးသောကိန်းများကို ဆရာကြီးဦးဖေမောင်တင်က "ဆယ်ဆတိုးကိန်း"လို့ အမည်ပေးခဲ့ဖူးပါတယ်။၁မှစလို့၁၅ ၊ ၁၈ ၊ ၂၃၄ စတာတွေက ဆယ်ဆတိုးကိန်း မဟုတ်ပါဘူး။ဟုတ်ပြီ ..ဆယ်ဆတိုးကိန်းနဲ့ ဆယ်ဆတိုးကိန်းမဟုတ်သော ကိန်းတွေဟာ ဘယ်နေရာမှာ အသုံးနှုန်းကွဲသလဲ မေးရင်..

"မျိုးပြ" စကားသုံးနှုန်းတဲ့ အခါမှာ အသုံးကွဲပါတယ်။"လူ ၃ ယောက် ၊ ခွေး၆ ကောင် ၊ ဆင် ၈ စီး ၊ ကြက်ဥ ၉ လုံး" စတာတွေဟာ အမျိုးအစားပြ စကားလုံးများဖြစ်ပါတယ်။ထိုစကားတွေကိုသုံးနှုန်းတဲ့အခါမှာ ဆယ်ဆတိုးကိန်း မဟုတ်တဲ့ အရေအတွက်ကို "လူ ၃ ယောက် ၊ ခွေး ၅ကောင် ၊ ဆင် ၇ စီး ၊ ကြက်ဥ ၂ လုံး"စသည်ဖြင့်သုံးရပါတယ်။ဆယ်ဆတိုးကိန်း အရေအတွက်ကိုဖော်ပြတဲ့အခါမှာ "လူ အယောက် ၃၀ ၊ ခွေး အကောင်၆၀ ၊ ဆင် အစီး ၂၀ ၊ ကြက်ဥ အလုံး ၄၀ " စသည်ဖြင့် သုံးနှုန်းရပါတယ်။"ယောက် ၊ကောင် ၊ စီး ၊လုံး" ဆိုတဲ့ မျိုးပြများ ရှေ့မှာ "အ"ထည့်ပြီး "အယောက်၊ အကောင်၊ အစီး ၊ အလုံး" စသည်ဖြင့် သုံးနှုန်းရပါတယ်။ဒါမှမဟုတ် ထိုအတိုင်းမသုံးပဲ "လူ ၂၀ ၊ ခွေး ၄၀ ၊ .." စသည်ဖြင့် အမျိုးအစား ဖျောက်သုံးလည်း ရပါတယ်။

"က"နဲ့"မှ"

နောက်တစ်ခုက "က" နဲ့ "မှ" အသုံးကို မှားသုံးနေကြတာ ကို ခဏခဏ တွေ့မြင်ရပါတယ်။ ဂျာနယ်တွေ ၊ စာစောင်တွေ ၊ကြေငြာတွေ ၊ စာပေဟောပြောပွဲတွေ ၊ လွှတ်တော်သတင်းတွေ၊ နိုင်ငံတော်ပိုင်သတင်းစာတွေ
မှာလည်း"သမ္မတကြီး မှ မိန့်ခွန်းပြောကြားစဉ်" "ပြည်ထောင်စုဝန်ကြီးမှလှည့်လည်စစ်ဆေးစဉ်" စတဲ့.."က"သုံးရ
မည့်နေရာတွေ မှာ "မှ" အသုံးတွေကိုသုံးနေကြတာ အတော်လေးကို ပလူပျံနေပါတယ်။ မြန်မာစကား သဒ္ဒါဖွဲ့ထုံးမှာ "က" ကိုပြုလုပ်သူပြ စကားအဖြစ်သုံးပြီး "မှ" ကို ထွက်ခွါရာပြစကားလုံးအဖြစ်သုံးပါတယ်။အချို့
နေရာတွေမှာ "က"နဲ့ "မှ" ကို အစားသုံးလို့ ရတာတွေလည်း ရှိပါတယ်။ဥပမာ- "ကျွန်တော် မန္တလေးက ပြန်လာသည်" ဆိုသည့် စာကြောင်းနှင့် "ကျွန်တော် မန္တလေးမှ ပြန်လာသည်"ဆိုသည့်စာကြောင်းမှာ "မှ"နေရာမှာ"က"ကို အစားထိုးသုံးလည်း ဆိုလိုရင်းမပျောက်ပါဘူး။ယနေ့စကားပြောဆိုရာမှာလည်း"မှ" ကို မသုံးတော့ပဲ"က"တစ်မျိုးတည်း သုံးနေကြပါပြီ။ အချို့နေရာတွေ မှာ "က"နဲ့"မှ" ကြောင့်အဓိပ္ပါယ် လွဲသွားတဲ့စာကြောင်းတွေလည်း
ရှိပါတယ်။ ဥပမာ- "တပ်မတော်က လက်နက်ခဲယမ်းများကို သိမ်းယူသည်"ဟု သုံးလျှင်"တပ်မတော်က ရန်သူ၏လက်နက်ခဲယမ်းတွေကို သိမ်းယူသည်" လို့ အဓိပ္ပါယ် ဖြစ်ပြီး"တပ်မတော်မှလက်နက်ခဲယမ်းများကိုသိမ်း
ယူသည်" ဟု သုံးလျှင် "တပ်မတော်မှ လက်နက်ခဲယမ်းများကို ရန်သူ သိမ်းယူသည့်"အဓိပ္ပါယ်ထွက်သွားပါတယ်။
ဒါကြောင့် "က"နဲ့"မှ" အသုံးမှားရင် ဆန့်ကျင်ဘက် စာကြောင်းတွေ ဖြစ်သွားတယ်ဆိုတာကို ဆရာကြီးဦးဖေမောင်
တင်က အထက်ပါဥပမာနဲ့ မိန့်ကြားခဲ့ပါတယ်။ တကယ်လို့ မိမိက "က"သုံးရမလား"မှ"သုံးရမလားမသဲကွဲရင် "က"
ပဲသုံးကြဖို့အကြံပြုလမ်းညွှန်လိုပါတယ်။

----------------------------------------

အထက်ဖော်ပြပါ အမှားတွေကို မပြင်ရင် ရော ဘာဖြစ်လဲ၊ အရေးယူမှာလား .စသည်ဖြင့် ကတ်တီးကပ်ဖဲ့ပြောချင်တဲ့သူတွေလဲ ရှိမှာပါ ။ မပြင်ရင်လည်း အရေးယူမှာ မျိုးတော့ မဟုတ်ပါဘူး ။ မြန်မာစာကသက်မဲ့ မြန်မာတွေ က သက်ရှိပါ။ မြန်မာစာပေတိုးတက်ရေးအတွက် ကျွန်တော်တို့ တာဝန်ဖြစ်ပါတယ်။မြန်မာစာက ကျွန်တော်တို့ ပြုသမျှ နုရမှာ ဖြစ်ပါတယ်။ဒါကြောင့် ကျွန်တော် တို့ ကိုယ့်စာပေ ကိုယ်မြတ်နိုးတတ်ပြီးသတိလေး နဲ့ ရေးသား နိုင်ကြပါစေ။

Nwe Nwe Yee shared ဦး စစ်မင်း's photo. (18.2.2014)တွင်ကူးယူထားပါသည်။

စကားကြီး ခြောက်ခွန်း

 စကားကြီး ခြောက်ခွန်း
--------------------------
စကားခြောက်ခွန်း လူ၌ထွန်းလည်း
လေးခွန်းကိုပယ် နှစ်ခွန်းတယ်သဖြင့် ...

၁။ အကြင်စကားသည် မဟုတ် မမှန်၊ အကျိုးစီးပွားနှင့်လည်း မစပ်၊
သူတစ်ပါးတို့လည်း မနှစ်သက် မနှစ်ခြိုက်၊ ထိုစကားမျိုးကို မြတ်စွာဘုရား
သည် ပြောဆိုတော်မမူ။

၂။ အကြင်စကားသည် ဟုတ်မှန်၏၊ အကျိုးစီးပွားနှင့်ကား မစပ်၊ သူတစ်ပါး
တို့လည်း မနှစ်သက် မနှစ်ခြိုက်၊ ထိုစကားမျိုးကိုလည်း မြတ်စွာဘုရား
သည် ပြောဆိုတော်မမူ။

၃။ အကြင်စကားသည် ဟုတ်မှန်၏၊ အကျိုးစီးပွားနှင့်လည်း စပ်၏၊
သူတစ်ပါးတို့ကား မနှစ်သက် မနှစ်ခြိုက်၊ ထိုစကားမျိုး၌ မြတ်စွာဘုရား
သည် ပြောသင့်သောအချိန်ကာလကို သိရှိတော်မူသည်ဖြစ်၍ ပြောဆို
တော်မူ၏။

၎။ အကြင်စကားသည် မဟုတ်မမှန်၊ အကျိုးစီးပွားနှင့် မစပ်၊ သူတစ်ပါး
တို့ကား နှစ်သက်၏ နှစ်ခြိုက်၏၊ ထိုစကားမျိုးကိုလည်း မြတ်စွာဘုရား
သည် ပြောဆိုတော်မမူ။

၅။ အကြင်စကားသည် ဟုတ်မှန်၏၊ အကျိုးစီးပွားနှင့် မစပ်၊ သူတစ်ပါး
တို့ကား နှစ်သက်၏ နှစ်ခြိုက်၏၊ ထိုစကားမျိုးကိုလည်း မြတ်စွာဘုရား
သည် ပြောဆိုတော်မမူ။

၆။ အကြင်စကားသည် ဟုတ်မှန်၏၊ အကျိုးစီးပွားနှင့် စပ်၏၊ သူတစ်ပါး
တို့လည်း နှစ်သက်၏ နှစ်ခြိုက်၏။ ထိုစကားမျိုး၌ မြတ်စွာဘုရားသည်
ပြောသင့်သော အချိန်ကာလကို သိရှိတော်မူသည်ဖြစ်၍ ပြောဆိုတော်
မူ၏။ (မ၊၂၊၅၇-၅၈။)

ဤ စကားကြီး ခြောက်ခွန်းတို့ကား .. မဇ္ဈိမပဏ္ဏာသ ပါဠိတော် အဘယရာဇကုမာရ
သုတ္တန်၌် လာရှိသော စကားတို့ ဖြစ်ကြ၏။ ထိုစကားခြောက်ခွန်းတို့တွင် --

၃။ မှန်၍ အကျိုးစီးပွားနှင့် စပ်ယှဉ်သော သူတစ်ပါးတို့ မနှစ်သက်သော
စကား တစ်ခွန်း၊

၆။ မှန်လည်းမှန်၍ အကျိုးစီးပွားနှင့်လည်း စပ်ယှဉ်သော သူတစ်ပါးတို့
နှစ်သက်သော စကား တစ်ခွန်း --

ဤနှစ်ခွန်းသော စကားတို့ကိုသာ ပြောသင့်သော အချိန်ကာလကို သိရှိသည်ဖြစ်
၍ ဘုရားရှင်သည် ပြောဆိုတော်မူ၏။ ကျန် လေးခွန်းသော စကားတို့ကို ဘုရားရှင်
သည် မည်သည့်အခါမှ ပြောဆိုတော် မမူပေ။

ဘုရားရှင် ပြောကြားတော်မူသည့် တတိယစကားနှင့် ဆဋ္ဌစကား နှစ်ခွန်းတို့ကား --
အရိယသစ္စ သန္နိဿိတကထာ (မ၊ဋ္ဌ၊၃၊၇၉။) = အရယိ သစ္စာလေးပါးကိုမှီသော
တရားစကားတည်း။ ယင်းတရားစကားမျိုးကို နှစ်ပေါင်းတစ်ရာ ကာလကြာအောင်
သော်လည်း နာကြားရကုန်သည်ရှိသော် ပညာရှိသူတော်ကောင်းတို့သည် တင်း
တိမ်ရောင့်ရဲခြင်းသို့ မည်သည့်နည်းနှင့်မျှ မရောက်ရှိနိုင်ကြကုန်။ သို့သော် လူမိုက်
တို့ကားယင်းကဲ့သို့သော တရားစကားမျိုးကို မနာယူလိုကြပေ။ မည်သို့ပင် မနာယူ
လိုကြသော်လည်း ပြောသင့်သော အချိန်ကာလကို သိရှိတော်မူသောအခါ ဘုရား
ရှင်သည် ပြောကြားတော် မူပေသည်။

ဖားအောက်တောရဆရာတော်
(MgMg Myo Nyaing fb post မှကူးယူပါသည်)

ကျွန်တော်တို့နိုင်ငံမှာမရှိတဲ့အန္တရာယ်ရေခဲချောင်း။

Pas på de smukke men også farlige istapper.
(Beware of the beautiful but dangerous Icicles).

 နှင်းကျများတဲ့နိုင်ငံတွေမှာ သတိပြုရမယ့်အန္တရာယ်တစ်ခုပါ။

အဆောက်အဦးတွေပေါ်မှာနှင်းတွေကျတုန်းကတင်နေတဲ့နှင်းခဲတွေဟာ
အပြင်မှာနေလေးသာလာလို့ဘဲဖြစ်ဖြစ်၊ အတွင်းကအပူငွေ့ကြောင့်ဘဲ
ဖြစ်ဖြစ် အရည်ပျော်ကျလာတတ်ပါတယ်။
ပျော်ကျလာတဲ့အရည်တွေဟာအပြင်မှာရှိတဲ့ ရေခဲမှတ်အောက်ရောက်
နေတဲ့အအေးနဲ့လေအေးတို့ကြောင့် မြေပြင်ထိမရောက်တော့ဘဲ
တံစက်မြိတ်မှာဘဲ တွဲလဲခိုလို့ရေခဲချောင်းလေးကနေရေခဲချောင်းကြီး
တွေဖြစ်သွားပြီး လူတွေ၊ ကားတွေကိုအန္တရာယ်ဖြစ်စေပါတော့တယ်။

ဒိန်းမတ်လို Istapper လို့ခေါ်တဲ့လေးပြီးမာကျောနေတဲ့တွဲလဲရေခဲချောင်း
တွေဟာအဖျားကလဲချွှန်နေသေးတာကြောင့်အလွန်အန္တရာယ်ကြီးပါတယ်။
အချိန်မရွေးအောက်ကိုပြုတ်ကျလာနိုင်တာကြောင့်အဲဒါတွေရှိနေတဲ့
မြင့်တဲ့အဆောက်အဦးတွေအောက်ကဖြတ်လျှောက်တဲ့အခါအထူးသတိထား
ရှောင်ကွင်းကြရပါ့မယ်။
၂၀၁၀ နှင်းတုန်းကရုရှားနိုင်ငံ၊ စိန့်ပီတာစဘတ်မြို့မှာတင်အဲဒီရေခဲတွဲလဲ
တွေကြောင့် လူ ၅ဦးသေဆုံးလို့ ၁၅၀ ဒဏ်ရာရရှိခဲ့ဘူးပါတယ်။

 ဒိန်းမတ်မှာလည်းအိမ်အမိုးတွေပေါ်မှာနှင်းခဲတွေရှိနေပြီမို့ နေပြင်းပြင်းမပူ၊
မိုးသည်းသည်းမရွာခဲ့ရင်တံစက်မြိတ်ရေခဲချောင်းတွေဖြစ်လာတော့မှာပါ။
အဲဒါတွေရှိနေတဲ့အောက်မှာမဖြတ်ကြအောင်ကြိုးများကာရံပေးထားတဲ့
နေရာတွေရှိသလို နေရာတိုင်းတော့လုပ်မပေးနိုင်ကြပါဘူး။

နှင်းနိုင်ငံတွေမှာနေကြတဲ့သူတွေသိပြီးသားဖြစ်ပေမဲ့ ကလေးတွေအတွက်လည်း
အန္တရာယ်ရှိတာကြောင့် ရေခဲချောင်းကြွေခိုက်၊ကျီးနင်းခိုက် မကြုံ ကြရအောင်
စေတနာထားထပ်မံသတိပေးနှိုးဆော်လိုက်ရကြောင်းပါခင်ဗျား။

မင်းမော်လှမြင့်(PKU,YSO)            facebook post1.2.2014.