မိဘတွေခေါင်းသိပ်မစားရတဲ့ ဒိန်းမတ်(သို့ မဟုတ်) ဒိန်းမတ်မှကလေးလူငယ်များ၊

ကျွန်တော်တို့ နိုင်ငံမှာသားသမီး၇ှိသူတွေအတော်များများဟာ ကျောင်းစား၇ိတ်အပါအ၀င် ပူပန်ကြောင့်ကြ၇မှုတွေ နဲ့ နပန်းလုံးနေကြ၇တာကိုတွေ့ မြင်နိုင်ပါတယ်၊
ဒိန်းမတ်နိုင်ငံမှာဒီလိုမျိုးသိပ်မတွေ့ ၇တော့ ကျွန်တော်မြင်မိတာလေးတွေကိုတင်ပြချင်ပါတယ်၊ ကျွန်တော်တို့ နိုင်ငံကမိဘတွေကို
အပြစ်ဆိုလို၇င်းလုံးဝမဟုတ်ဘဲ အပြုသဘောနှိုင်းယှဉ်နိုင်အောင်၇ည်၇ွယ်ပါတယ်၊

သူတို့ က ကလေးတွေကို ငယ်စဉ်ကထဲက ကိုယ့်အားကိုယ်ကိုး တတ်အောင်လေ့ကျင့်ပေးတာတွေ့ ၇ပါတယ်၊
ဥပမာတခုပြော၇၇င်၊ အမေကေ၇ှ့ကနေ ကလေးတွန်းလှည်းနဲ့ သွားနေတယ်၊ နောက်က ၃ နှစ်အ၇ွယ်ကလေးတယောက်ကပြေးလိုက်လာ၇င်းခလုတ်တိုက်လဲတယ်၊ ဒီကောင်အာပြဲနဲ့ အော်ငိုသေးတယ်၊ ကျွန်တော်ကတောင်ထူပေးဘို့ လုပ်မိသေး၇ဲ့၊ သူ့ အမေကကျွန်တော်ကိုလက်ကာပြထားပြီးအေးအေးဆေးဆေးဘဲ၇ပ်စောင့်နေတာ၊ ဟိုကောင်လဲခဏနေတော့အငို၇ပ်ပြီး သူ့ အမေဆီလာ၇တော့တယ်၊ ဘာမှမေးနေတာမတွေ့ ၇ဘူး၊ ဖုံ ၃၊ ၄ ချက်ခါပေးပြီးဘာမှမဖြစ်သလိုဆက်လျှောက်သွားတာပါ၊

ဒီနိုင်ငံကလင်ေ၇ာမယားေ၇ာအလုပ် လုပ်တဲ့နိုင်ငံဆိုတော့ ဒီကောင်တွေ ၆ လဆို၇င်ကျောင်းေ၇ာက်ပြီဘဲ၊
ငယ်ငယ်ကထဲက အများနဲ့ နေတတ်အောင်၇ယ်၊ ကိုယ့်ဘာသာလုပ်တတ်အောင်၇ယ်၊ လူမကြောက်တတ်အောင်၇ယ် အဲဒီ နေ့ ကလေးထိန်းကျောင်းကနေပြုစုပျိုးထောင်ပေးခဲ့တာတွေ့ ၇တယ်၊
ထမင်းခွံ့ ကျွေးတာမ၇ှိဘူး၊ ဇွန်းကိုင်နိုင်ပြီဆို၇င်ကိုယ့်ဘာသာစားဘဲ၊
ကလေးတွေကို၇ိုက်တဲ့အကျင့်မ၇ှိဘူး၊ သူတို့ ကြောင့်ပျက်စီးနိုင်မှာ၇ှိ၇င်ကြိုတင်ကာကွယ်ထားတယ်၊
ကလေးကျောင်းမှာဆ၇ာ၊ဆ၇ာမတွေကော်ဖီသောက်ဘို့ သကြားဗူးကိုတော်တော်ခက်ခက်ခဲခဲဖွက်ထားတာတွေ့ ဘူးတယ်၊
ဒီက ကလေးတွေ ဒုတ်ကောက်ခဲ့တို့ ၊ ၀ါးခြမ်းပြား တို့ မကြားခဲ့၇ဘူး၊ ဒီကောင်တွေလဲ ကျွန်တော်တို့ ဆီက ကလေးတွေလို ဇိမ်မကျ၇၇ှာပါဘူး၊ ၆ လ ၁ နှစ် ကထဲကကျောင်းစတက်နေ၇သလိုပါဘဲ၊
၃ နှစ်ဆို၇င်မူကြိုတက်ကြ၇ပြီး  ၆နှစ်ေ၇ာက်၇င်တကယ့်ကျောင်းသားဖြစ်သွားပါပြီ၊

အဲဒီကျောင်းတွေမှာ ကလေးတွေရဲ့စကားကိုလဲ ဂ၇ုပြုပြီးနားထောင်ပေးတာတွေ့ ၇ပါတယ်၊ ကလေးတွေ၇ဲ့ ဆန္ဒ ကိုလဲအထူးအလေးထားပြီး ဆောင်၇ွက်ပေးကြပါတယ်။

ကလေးတွေအလုပ်လုပ်တာကိုအားပေးခြင်း
ဒီနိုင်ငံမှာ ၇ နှစ် ၈ နှစ် အရွယ်တွေအလုပ်လုပ် ကြတာကို မကြာခဏ တွေ့ ရမှာဖြစ်ပါတယ်၊ အခကြေးငွေနဲ့ အလုပ်လုပ်
တာကိုမဆိုလိုပါ၊ မိဘကမြင်းမွေးထားရင် မြင်းစာကျွေး၇တယ်၊ ပန်းစိုက်ရင် ပန်းခူးပေး၇မယ်၊ အဲဒီအရွယ် ကလေးတွေ
သူတို့ အိမ်ရှေ့ထွက်ပြီး ပန်းရောင်းနေတာတွေ စတော်ဘယ်ရီေ၇ာင်းနေကြတာတွေ တွေ့ ရမှာပါ၊

တခါကကျွန်တော့်မိတ်ဆွေ ဒိန်းမတ်ကျောင်းဆရာ တယောက်၇ဲ့ ၉ နှစ်သမီးနဲ့  ၆ နှစ်သမီး ၂ ယောက် အိမ်ရှေ့နားက ကုန်စုံဆိုင်လေးရှေ့မှာ ကော်ဖီ ရောင်းနေတာတွေ့ ရပါတယ်၊ အငယ်ကောင်၎ နှစ်သား         ကဘော်ဒီဂတ်ပေါ့၊
မေးကြည့်တော့ ဂျာကင်အသစ်ဝယ်ဘို့ တဲ့ အမေက ကော်ဖီ နဲ့  တီး ဓါတ်ဗူး ၂ ဗူး၊ ပြင်ပေးလိုက်တယ်လေ၊
သကြားကဒီမှာပါ နို့ ကဒီမှာပါ နဲ့  တကယ့်ဈေးသည်ကြီးတွေကျနေတာဘဲ၊
အိမ်အတွက်ပါ ၂ ခွက်အားပေးလိုက်ရသေးတယ်။

ဒိန်းမတ်မှာနွေဦးမှရောက်ပြီဆိုရင် အဟောင်းဈေးခင်းလေးတွေ အလျှိုလျှိုပေါ်လာတတ်ပါတယ်၊
ကိုယ်မကြိုက်တော့တဲ့ပစ္စည်းဖြစ်ဖြစ် အသုံးမလိုတော့တဲ့ပစ္စည်းဖြစ်ဖြစ် ကိုဈေးနှုန်းသက်သာစွာနဲ့ ပြန်ရောင်းကြတာပါ၊
အသစ်နီးပါးပစ္စည်းလေးတွေ အ၀တ်အစားလေးတွေချည်းပါဘဲ၊
ကလေးတွေကလဲအရုပ်အသစ်ထပ်ဝယ်ဘို့  သူတို့ အရုပ်အဟောင်းလေးတွေချရောင်းနေကြတာတွေ့ ရတယ်၊
ဆယ်ကျော်သက်အပျိုအ၇ွယ်လေးတွေလဲ သူတို့ အ၀တ်အစားလေးတွေချရောင်းနေကြတာဈေးခင်းမှာတွေ့ ရမှာပါ၊
ရှက်ရွံ့ မှုဆိုတာသူတို့ မသိပါဘူး၊ အလုပ်ဟူသမျှဂုဏ်ရှိစွဆိုတာသာသူတို့ ခေါင်းထဲမှာရှိပါတယ်၊

ကျွန်တော်ငယ်ငယ် ၄ တန်းတုန်းကစာအုပ်အဌားဆိုင်လေးဖွင့်တာအမှတ်ရမိတယ်၊ စွန်ရစ်လုံးအသစ်ဝယ်ချင်လို့  ကျွန်တော့်ဖေဖေက အကြံပေးတာပါ၊ ရန်ကုန် ဘောက်ထော်က သုခိတာလမ်း အိမ်ရှေ့လမ်းမဘေးမှာ ဖျာလေးခင်းပြီးတော့ အဖေ့စာအုပ်တွေကော ကျွန်တော့်ကိုဖေဖေ၀ယ်ပေးထားတဲ့ ဂယက်နီ၊ ကွန်းဇော် စာအုပ်တွေအပါအ၀င် ဒို့ ကျောင်းသား၊ တေဇ၊ေ၇ွှသွေး မကျန် ထိုင်ဖတ် ၅ ပြားနဲ့  အိမ်ဌား၇င်တော့စာအုပ်အလိုက် ၁၀ပြား၊ ပြား ၂၀ ယူပါတယ်၊
ဒါပေမဲ့ကြီးလာတော့ အသက် ၃၀ လောက်ထိ ကျောင်းသားလုပ်စားတာပါဘဲခင်ဗျား။

ဒီနိုင်ငံမှာအသက် ၁၂ နှစ်ပြည့်ရင် တရားဝင်အလုပ် လုပ်လို့ ရပါပြီ၊
အစိုးရကလဲ ၁၈ နှစ်အထိ သူတို့ ဆီက ၀င်ငွေခွန် မစည်းကြပ်ပါဘူး၊
ဒါကြောင့် ဒီက ကလေးတွေကျောင်းတဘက်နဲ့  အချိန်ပိုင်းအလုပ်တွေဝင်နေကြပါပြီ၊
သတင်းစာ၊ ကြော်ငြာ လိုက်ထဲ့ကြမယ်၊ စူပါမာကက် တွေ၊ စားသောက်ဆိုင်တွေမှာ ၀င်ငွေရှာနေကြပါပြီ၊
အလုပ်ရှင်တွေကလဲ သူတို့ အတွက်အခွန်မပေးရတော့ဈေးသက်သာတာပေါ့၊
လစာကတော့လူကြီးတွေနည်းတူသူတို့ ရပါတယ်၊
အိမ်မှာနေရုံ စားရုံပါဘဲ၊ သူတို့ ဝယ်ချင်တာတွေ သူတို့ ပိုက်ဆံနဲ့ ဝယ်ကြတယ်၊
ကျွန်တော့်ဆရာမတယောက်၇ဲ့သမီးလေးကမြင်းတကောင်ဝယ်ချင်လို့  ၁၂ နှစ်ကထဲကကျောင်းအားလပ်ချိန်
တွေမှာ ကြော်ငြာထဲ့တဲ့အလုပ် လုပ်ပါတယ်၊ ကျွန်တော့်သမီးနဲ့ ရွယ်တူပါ၊ သူ ၁၆ နှစ်ပြည့်တော့မြင်းရသွားပြီ
ကြားရပါတယ်၊

ကျွန်တော်တို့  သမီးလဲ ၁၂ နှစ်ကထဲကအလုပ်ဝင်ဘို့ ဟာ သူ့ အမေတားထားတာနဲ့  ၁၃ နှစ်မှာစအလုပ်
လုပ်ပါတယ်၊ သူ့ အမေကကျောင်းဖွင့်ချိန်တွေမှာမလုပ်ခိုင်းသေးဘဲ နွေကျောင်းပိတ်ရက်ရောက်မှဘဲ
လုပ်ခိုင်းပါတယ်၊ အိမ်ရှေ့နားကဆိုင်မှာ ရေခဲမုန့် ရောင်းရပါတယ်၊ အခုကျွန်တော်ဒီစာရေးနေတုန်းမှာဘဲ
သမီး အလုပ်သွားနေပါတယ်၊ လာမယ့် သြဂုတ် လမှာ သူတက်ချင်နေတဲ့ ပရိုက်ဗိတ်ဒီဇိုင်းနားကျောင်းရယ်၊
သူဝယ်ချင်နေတဲ့အိုင်းပက်ဆိုလား Macbook pro ဆိုလား ၀ယ်နိုင်အောင်လို့ ပါ၊ သူ့ အမေက
တ၀က်စိုက်ရမယ်လို့ လဲသဘောတူညီချက်ယူထားတာတော့ရှိပါတယ်၊

ဒီနိုင်ငံက ကလေးလူငယ်တွေမှာ ကျူရှင်ပြေးရလွှားရတာတွေ ကျောင်းစာနဲ့  ပိနေတာတွေမတွေ့ ရတဲ့
အပြင်၊ ကော်ဖီဆိုင်မှာအချိန်ဖြုန်းနေတာတွေမတွေ့ ရပါဘူး၊
၆ တန်း၊ ၇ တန်း အသက် ၁၂ နှစ်ကထဲက တက္ကသိုလ်ပြီးသည်အထိ အချိန်ပိုင်းအလုပ်လုပ်ကြရင်း
ဝင်ငွေရှာပြီး ကျောင်းတက်သွားနိုင်ကြတာတွေ့ ရပါတယ်၊

အစိုးရပိုင်းဆိုင်ရာအနေနဲ့ ကလဲ ကလေးတွေကိုမွေးကထဲကနေ ၁၈ နှစ်အထိ
ပြည်သူအားလုံးကိုကလေးစားရိတ်အထိုက်အလျှောက်ညီတူမျှစွာပေးထားတယ်၊
၁၈ နှစ်ကျော်သွားပြန်ရင်လဲ ကျောင်းစား၇ိတ်ကိုအထိုက်အလျှောက်ဖြည့်ဆည်းပေးပါသေးတယ်၊
ဒါတွေကိုပေးနိုင်အောင်လဲ အလုပ်လုပ်ကြတဲ့ လူကြီးတွေက ၀င်ငွေခွန်ကို နင့်နေအောင်ပေးရပါတယ်၊
ပြည်သူအားလုံး ၃၈ ရာခိုင်နှုန်းဝင်ငွေခွန်ဆောင်ကြရပါတယ်၊
၁၈ နှစ်ပြည့်ပြီဆိုပြန်တော့လဲအိမ်ကဆင်းဘို့ လုပ်ကြပါပြီ၊ ကိုယ့်ခြေထောက်ပေါ်ကိုယ် မားမားရပ်ဘို့ 
ကြိုးစားကြပြီဆိုတော့ကား..

အချုပ်တင်ပြရရင်တော့ အစိုးရကလဲပံ့ပိုး ကလေးတွေကိုယ်တိုင်ကလဲအလုပ်လုပ်ဝင်ငွေရှာကြတော့
မိဘတွေခေါင်းသိပ်မစားရကြောင်းတင်ပြလိုက်ရပါတယ်ခင်ဗျား။

မင်းမော်လှမြင့်(YSO,PKU) စာပြီးချိန် 23 နာ၇ီ 2.6.2013